You are here
Home > Asia News > RANTHAMBORE SAKEI LALNU – “MATCLI”

RANTHAMBORE SAKEI LALNU – “MATCLI”

RANTHAMBORE SAKEI LALNU – “MATCLI”

Chung khuanu-in sakei a siam chungchuan bikzia hi mak ta ti fo va, a mawi a, a ropui a, a fing a, a chak em em bawk a ni. Hmasang Mizo pi lehpute phei chuan an zah a, an ţih em em a, sakei pawh ti ngam lovin sapui an lo ti ţhin reng a. Hmanlai Thlanrawn lal ropui Chawnglula, Suai khuaa kum 9 lai Ralte hovin kawl an buntir pawh kha, a tlanchhuahin a haw kawngh a salin a pua a, sakei pathumin kawngah an hruai niin an sawi nghe nghe a ni.

r

Khawvelah hian India ramah sakei an tam ber a, Khawvela sakei zawng zawng zinga 70% deuh thaw hi India ramah an awm niin an sawi a. tunah hian India ramah sakei 3891 an awm niin an chhut a ni.  Chung sakei azawnga ropui ber leh hmingthang ber leh lar ber mai chu nikum 2016 August thla ni 18 zing dar 9:43-a fam chang ta Ranthambore sakei lalnu an tih huai huai “Mathli”@ T-16 kha a ni ngei ang le.

 r2

Matchli chu ‘sangha’ tihna mai zawng a ni a, he sakei mak dangdai tak hi a mitko tlangah sangha pian ang chhihchhiah awlsam em em a awm avangin Matcli an ti ta mai a, dil kama a awm fo avangin ‘Dil nula, Lady of the Lake” an ti thin bawk a, Awle lian em em, feet 14 lai sei a seh hlum avangin Awle tar sehtu an ti bawk a  ni.  Sorkarin officiala a chhinchhian dan chu T-16 tih a ni thung.

r1

He sakei lalnu en tur hian khawvel ram tin kil tin atangin khualzin mite an rawn fuan khawm chiam chiam  ţhin a, chuvang chuan he sakei lalnu hian Rajasthan Ranthambore Tiger Reserve tan kum khatah US dollar mtd 10 vel a la lut ziah ang a ni a. kum 10 chhung chuan US dollar mtd 100 lai ram tan a la lut tihna a ni a.  He sakei lalnu thlawhhlawkzia hi hria-in kum 2009 khan “Lifetime Achievement Award” of Travel Operators For Tigers a hmingin an hlan hial reng a ni.

mchli with two cubs - india nature watch_1464350192_725x725

postal-tigernation_1464343706_725x725

Matcli avang hian India sorkar laipui chuan a sum leh pai tam tak a lak luh mai bakah mi tam takin nungcha-te ropuizia, mawizia leh humhalh duhna rilru an lo put phah tak  avangin he sakei lalnu hriatreng nan hian  Matchli thlalak chuanna postal cover leh  stamp a siam phah nghe nghe a ni.

machli---facebook-and-storysize_647_081616033748

Sakei dang ang lo takin Matcli hian mihring a hlau ve lo va,  an bul hnaia awm a tim hek lo va, thlalatute hmuh lai ngeia sa han mante hi nuam a ti zawk emaw ni aw? tih mai turin an hmuh lai ngeite hian sa te a seh ţhin bawk a.  Chutiang fakauva a vanglai kum 10 aia tam a hman avangin a chanchin hi hre lova ram an awm lo va, lehkhabu-ah te, TV documentary-ah te leh wildlife research paper-ah te a chanchin hi a tam em em ringawt mai a, khawvel sakei azawnga camera pangngai leh TV camera-a thlalak hnem ber sakei a ni e pawh ti ila, ka sawi sual awm lo ve.

machli43_081616041157

Ranthambore sakei lalnu huaisenzia hi a mak a, a tet lai atang rengin a huaisenzia a lang a, a pianpui sakei note dang 2 aiin Matcli chu  kar lovah a chungnung larh ta mai a, a lo puitlin hnu phei chuan amah hringtu a nu ngei chu a ram atangin a umchhuak ta mai reng a. No vawi 4 a neihah note 11 a nei a, chung zinga a no 9 te chu a dâm vek thei a, chu chuan a finzia leh a huaisenzia a hriat theih mai awm a.

mchli with two cubs - india nature watch_1464350192_725x725

Sakei pate hian anmahni note ni lo hi chu an sehhlumsak fo thin tih kan hria a, chutiang karah pawh a note a hum thei tihna a ni. Sakei leh sakeibaknei zia hi a mak a, anmahni thlah ni lo a note te hi a seh hlum zel a, a seh hlum hian a pui a lo hur hma bik a, anmahni chi ngei chauh an enkawl puitling thin a ni.

machli43_081616041157

Matchli hi Ranthambore ram ngaw tan hian chi a chhuah ţha em em a, a chi hi a ţhat em avangin sakei tihpun nan a note, a nu 7 zinga 2 phei  chu Sariska Forest Reserve-ah an dah sawn nghe nghe a ni.

machli2_081616041157

Kum 2008 khan Awle lian namen lo pakhat, feet 14 lai sei a bei a, hemi ţuma an inbeihnaah hian a ţang nasa bawk a, Awle vun a lo chhah si a, a ngho 2 a tliak a ni. He Awle nen an inbeih lai hi video hi entu an tam hle a ni. An inbeihnaah hian a tua mah thi lovin an inţhaţhen tawp a ni.

r

Royal Bengal Tiger hi Mizo upate khan Sairâl an ti em ka hre chiang chiah lo va, Bengal Tiger-te hi a tlangpuiin kum 10 atang kum 15 vel dam tura ngaih an nih laiin Ranthambore sakei lalnu erawh hi chu kum 19, duh thawh deuh tan kum 20 a dam e, tiin a sawi theih tho awm e. Khawvela sakei dam rei ber nia an chhinchhiah chu Chatty Flavio a ni a, kum  25 a dam a ni.

machli1_081616041157

Hun leh nite a lo ral zel a, Ranthambore sakei lainu pawh hai ang a lo tar ta, a ha a bal nual ta a, a lalram a humhimna lamah sakei dang nen an inbeih fo avangin a mit khing khat a del a, a khaw hmuh pawh a lo vai ta riai a. Chuti chung chuan a finzia a lantir thei zel a, sazuk ang sa lian bei lovin sakhi-te a chang ta zawk a, a seh hlum theih loh avangin a taksa rihna hmangin an hnungzang ruh a bawhtliahsak thin a, a sa sehte chu chuhpuitu awm lova thlamuang taka a ei theih nan luite dungah a pu thin a, lui-ah a chiah thin a, thli beng lohna hmunah thlamuang takin a ei thin a ni. Sa a seh theih tawh loh hnu-ah pawh keite sa seh sate ringin a nung a, forest hnathawktute’n a ei atan sa an dah chu a ei duh ngai reng reng lo a ni.

 machali-with-her-cubs-planetcustodian_1464343550_725x725

Tichuan, a lo tar ta tial tial a, Sap thufing pakhat chuan Time waits for no man a ti a, hun hian tumah a nghak ngai lo va, tu chungah mah zahngaihna a lantir ngai hek lo! han ti dawn ila, ka daw duai mai palh ang em?. Albert Einstein-te ang physicist leh scientist te ngaihdan chuan hun leh hmun, time & space hi chu a awm ngaiin chatuanin a awm reng a, he lei leh a chhunga cheng, thil nung tinreng leh fuliate zawk hi zamual  kan liam thin a lo ni, an ti.

_ef5b315e-651e-11e6-98ff-20252d6fa197

A enga pawh chu lo ni se, ka sawi tum a dal chuang lo va. History repeats itself an timathlawnlovin, Ranthambore sakei lalnu chuan a vanglaiin amah hringtu  ngei chu a lalram atangin a lo ngawt chhuak ang chiah chiah khan tunah ama hun a lo thleng ve ta tlat mai le!

 _89c857fa-651d-11e6-98ff-20252d6fa197

Matchli no neih hnuhnung bera a note zinga sakei nu, Sundari an tih, T-17 anga an chhinchhiah bawk chuan a vanglai hun a rawn hmang chho va det det a, a hringtu sakei pui Matchli chu a lalram atangin a hnawtchhuak ta!

 _d94bd642-651f-11e6-98ff-20252d6fa197

Hetah tak hian Pathianin ama anpui ngeia a siam, a hmangaih em em mihringte ramsa leh rannungte aia kan chungchuanna bik  chu a lo lang leh ta. Africa rama sakeibaknei vanglai pawh hliam a tuar palh emaw a nih chuan sakeibaknei huai dangin an rawn thlak a, ani chu a insaseng a ngai a, chaw a zawn theih loh rual rualin enkawltu nei lovin a thi ta mai a ni.

 _f91d7926-651f-11e6-98ff-20252d6fa197

Mihring chu chutiang ngawt kan ni ve lo va, hmangaihnain kan inphuarkhawm a, tar leh upa chak lo zawkte chu an tu leh fate’n duat takin kan enkawl ta a ni.

 _701cd2c6-651e-11e6-98ff-20252d6fa197

Pathianin Mosia hnena thu sawm a pekah khan, “I nu leh I pa chawimawi rawh: tichuan LALPA I Pathianin ram a pekah che hian I dam rei dawn nia tih a tel a, he thupek hi vawiin ni thleng a lo dik reng a ni. Tirhkoh Paula khan a rawn sawifiah len a, “I nu leh I pa chawimawi rawh,” Chu chu thupek tiam nei hmasa ber a ni a rawn ti ta kauh va. A chiang leh zual ta sauh.

 machli2_081616041157

Naupan laiin helai chang hi kan lo vaki thuvawn ve ringawt thin a, a awmiza ka lo ngaihtuah ngai hauh lo va, tun hnu, Sap ţawng tih tak zeta  ka zir tak taka King James Version ka lek hnu hian a awmiza tak ka pawh ta chauh va, “A va dik em! A va dik em! ka ti ka ti ringawt mai a ni.

 r2

Ephesians 6;2 (KJV);Honour thy father and mother; which is the first commandment with promise; Nu leh pa chawimawi hi thutiam tel thupek hmasa ber a ni ti zawngin letling ta ila, a fiah zawk awm mang e.  Dam hi malsawmna, thih hi anchhia a ni. Nu leh pa chawimawi hi dam reina, hmuingilna, malsawmna chi tin reng dawnna bulpui a lo ni e, tih hi Newton third  law ţawngkamin “action and reaction” ang pawhin a sawi fiah theih tho ang a, “cause and effect” ang pawhin.

 machli_081616035823

Mizoram Kristian ram inti-ah hian kan dam rei zawng hi ka chhut ka chhut a, kan lo dam rei lo khawp hlawm mai a, India ram pumah mihring dam chhung rei zawng chhawh rual hi kum 72 lai niin sorkar thuchhuakah chuan a sawi laiin Mizoram bikah hi chuan kan ram rei zawng, life expectancy hi kum 45 a tling ang em aw? ka ti fo thin a, thlanmual ka han fan chang  hian upa leh tarte chauh-te emaw hi thi hma tur ka tih nak alaiin kum 25-45 inkar mitthi kan lo tam kawp mai!

Tap chhak zawla mahni nu leh pa leh nunaute vau pung pung ching hi chu Mizo upate pawhin ‘chi an thlah hmaa thah tur” an lo ti mai a ni. Tunlai Mizo ţhalai lehkhathiam zingah hetiang chi thlah hmaa thah tur hi chu an awm loh ka beisei.

 

Tichuan, kan thu kal laiah bawk khan han lut let ta ila, Kum 2014 khan Rathambore sakei lalnu ni tawh lo, Matcli chu hmuh tur reng reng a awm ta lo va, ni 26 lai chin hriat lohva a bo hnu chuan a zawng tur mi 22 telna pawl an din a, an zawng ta tak tak mai a, a rin loh takin Rathambore ram ngaw dur pui chhung ni lovah an va zawng chhuak ta a, daifem lamah a lo insaseng a lo ni a. A hmutute an lawm hle a. Mahse Matcli chuan  ha a nei tawh lo va, a mit khing a del tawh a, sa a seh thei tawh lo va, Forest hnathawk te’n khawngaih tak leh lainat takin an chawm ta a ni.

 

Kum 2016 August thla a lo thlen chuan Matcli chu a dam lo rei ta hle a, chaw leh tui chawlhkar khat lai a thlah ta hmiah a, forest hotute chuan a upa tawh si a, damdawia enkawl pawh a tan a ţhat an ring ngam lo va, a hun a thleng dawn ta a ni ve mai a, mihring tihbuai lohvin thlamuang takin kal mai se, an ti ta a.

 

Ni 18 zing lamah  chuan a chau zual ta hle a, a bul hnaiah chuan amah ngainatu mi tam tak leh thlalatu-te leh forest thuneitu-te an awm a, Matcli thi tur chalchang chu lainat takin an en ngawih ngawih a, a na  ti chu a vial ngawlh ngawlh a, dar 9;43 chuan a hnuk a chat  ta a. Ropui leh zahawm taka kum 19 chhung a hun hman chu a lo tawp ta a ni.

 Matchli thih thu a lo hriat veleh Maharashtra Chief Minister chuan Matchli a uizia leh sunna tweeter kaltlangin a puang chhuak hial a, a vun hi dah ţhat rawttute an awm a, mahse Rajasthan Tiger Protection Force leh Forest guards te chuan state chawimawina famkim nen Matchli hi an vui a, Hindu dan angin a ruang hi an halral ta a ni.  

 He lei ram, chatuan ram tling lovah hian Matcli chu a lo boral ta ngei a, Jim Corbett sakei huai leh sual, mihring seh ching  kah thute leh Mizo pasalţha Saihnuna sakei kah thu ngaihnawm tak takte aiin Matcli chanchin ngaihnawm leh ngainatawm  tak  erawh ţhang leh tharte’n thawnthu ngaihnawm tak angin an la sawi bang dawn lo a ni.

 TV en ţhin chuan kan en fo tawhin ka ring a, National Geographic  leh  Animal Planet channel-ah te tihchhuah a ni fo va, kum  2012 khan BBC Natural World –ah “Queen of Tigers: Natural World Special’ thupui hmangin an lo tichhuak tawh bawk a ni.

 

 

 

Phylogeny[edit]

The cladogram below shows the phylogeny of Machali with code names and/or nicknames. From 1999 to 2006, she gave birth to at least 11 cubs.[25][26]

Machali
Male X
ST2 (female)
ST3 (female)
Bamboo Ram
Slant Ear – T0 (male)
Broken Tail (male)
Nick Ear
Jhumari (female)
Jhumaroo (male)
Male X
Bunty – T3 (male)
Bubbly – T1 (female)
Male X
Satra/Sundari – T17 (female)
Athara – T18 (female)
Unnis/Krishna – T19 (female)

 

 

 

 

 

Similar Articles

Top