You are here
Home > World News > RANGOON UNIVERSITY STUDENTS’ UNION (RUSU) BUILDING SAKȚHAT A NI DAWN TA

RANGOON UNIVERSITY STUDENTS’ UNION (RUSU) BUILDING SAKȚHAT A NI DAWN TA

General Newin-a’n Burma rama sipai sorkar a din tirha sipai sorkar dodaltu zirlaite an kah hlumna hmun, Rangoon University Students’ Union (RUSU) building chu nakum hian sakthat leh tur a nih thu Zirtawpni khan deputy minister for education U Win Maw Htun chuan Lower House of Parliament-ah a puang.

Rangoon University hi kum 1920 khan University of Cambridge leh  University of Oxford ang thei ber tura din a ni a, zirlai zinga nationalism chi kuitiahna hmunpui niin Kumpinu laka lungawilohna lantirna lain vawi 3, 1920, 1936 leh  1938 kuma chhuakte pawh Rangoon University Rangoon University Students’ Union (RUSU) building atanga bul intan vek a ni a, Burma ram hruaitu, General Aung SanU NuBa MawKyaw NyeinBa SweU Thant leh Thein Pe Myint Rangoon University-a  zirlai an nih atanga ram hmangaihna rilru pu an ni hlawm.

Gen. Ne Win-a’n 1962 kuma military coup a neih hnua Burma ram chu Burmese Way to Socialism hmanga sipai chakna hmanga ram hruai a tum chu zirlai ten  duhlohna an lantir laiin  July ni 7 1962 khan sipaiin an kap a, zirlai leh lecturer 15 an thi a,  zirlai 27-in hliam an tuar a. A tuk July ni 8-ah Rangoon University Student Union (RUSU) building chu bomb hmangin an phin darh ta vek a, Sipai sorkar chhung zawng khan Rangoon University Student Union (RUSU) building sakțhat hi vawite khat mah sawi rik ngam a ni ngai lo va, a hmun pawh a ngai ngaiin a la ruak reng a  ni.

Similar Articles

Top