You are here
Home > Zoram > PWD LEI CHIMAH MI PAKHAT THI!

PWD LEI CHIMAH MI PAKHAT THI!

PWD LEI CHIMAH MI PAKHAT THI!

Sesawng leh Khawruhlian inkara Tuirini lei PWD in an dawh mek chu tukin dar 9:45 vel khan a chim a, mi pakhat thiin, midang pakhat a hliam bawk.

Lei chim vanga thi hi Pu HC. Lalfakawma, Sesawng khua, thingzaia inhlawh thin a ni a, tukin khan thingzai turin Tv. Laltleipuia Hmar, Sesawng khua tho nen an chhuak a, lei hi an zawh laiin a chim ta thut ni a hriat a ni. Pu HC. Lalfakawma ruang hi vawiin khan posmortem a ni a, zanin hian tlaivarpui a ni ang a naktuk chhun dar 12 vui a ni ang. Tv. Laltleipuia Hmar hi na takin a hliam a, Aizawl panpui nghal a ni.

Tuirini lei hi kumin January thla atang khan siam tan a ni a, a ruangam chu dawh zawh tawh niin, mi tam takin kein an zawh fo tawh a, siam zawh anih hmain a chim ta a ni.

vlcsnap-2018-02-13-21h36m39s817

Tuirini lei dawh that mek chim chungchang ngaihtuahin vawiin khan Chief Minister charge la mektu Home Minister Pu R.Lalzirliana hovin a pisa-ah Emergency Meeting neih a ni.

vlcsnap-2018-02-13-21h37m42s358

He thutkhawmah hian Dy. Speaker Pu R.Lalrinawma, PWD Minister Pu Lal Thanzara, Supply Minister Pu John Rotluangliana, Fisheries Minister Pi Vanlalawmpuii Chongthu, Industries Minister Pu H.Rohluna leh Mizoram Law Commission Chairman Pu John Siamkunga te an tel a ni.

vlcsnap-2018-02-13-21h42m16s639

Home Minister Pu R.Lalzirliana chuan Tuirini lei dawh that meka vanduaina thleng chu pawi a tiin hetianga vanduaina a thlen laia mipui rilru ti chiai zawnga thi leh hliam zat thu dik tawk lo social media lamah theh darh a ni chu pawi a ti a, meeting chuan he vanduaina thlen dan chiang zawka chhui turin Aizawl Bawrhsap leh District Magistrate ni bawk, Pi A.Muthamma kaihhruaina hnuaiah Magisterial Inquiry dinin, thla 3 chhungin sawrkar-ah report thehlut turin an rel a, lei chima nunna chan, Pu HC Lalfakzuala, Sesawng Venglai chhungte hnenah zangnadawmna cheng nuai 4 leh hliam, Tv Laltleipuia tanpuina pek an rel bawk a, a tul anga hma lo la nghal turin Mizoram Chief Secretary chu ruat a ni bawk. 

Lei chim vanga thi hi Pu HC. Lalfakawma, Sesawng khua, thingzaia inhlawh thin a ni
Lei chim vanga thi hi Pu HC. Lalfakawma, Sesawng khua, thingzaia inhlawh thin a ni

Leichimna hmun hi MLA Pu Lalruatkima leh MNF party hotute chuan an tlawh a, PWD Minister chuan a mawh ah lain, bang turin a phut tih Pu Ruatkima chuan a sawi a, sorkar chu chhiat tawhna a nunna chan Pu HC Lalfakzuala chhungte hnenah zangnadawmna cheng nuai 10 tal pe turin an phut bakah hlim tuar inenkawlna tumsak an phut tih a sawi bawk. Pu Ruatkima chuan chuan Mizoramah kum 2014 atanga vawiin thlengin tum 6 zet lei a chim tawh a, mi 3 in nunna an chan tawh bawk a, hetiang thil thleng thin hi a zahthlak takzet a, a pawi takzet a ni a ti.

Tuivawl bialtu MLA Pu RL Pianmawia pawhin chhiattawhna hmun hi tlawhin vanduaitawk te a taurpuithu a sawi a, PWD CE Pu Lalsawmvela leh leh PWD hotute pawhin leichimna hmun hi an tlawh a ni.

Tuirini Lei hi 1973 khan BRTF ten a dawh hna hi an lo tan tawh a, a lei hian ton sawm bak a zawh loh a vang leh a hlui tawh avangin PWD ten a siamthat hna hi an thawk a, a siam that nan hian cheng nuai 390 sing 6 leh sang 9 ruahman niin, kumin February thla chhunga dawh zawh hman beisei a ni. He lei hi 150 National High Way kalkawng a awm niin, Tuivawl leh Chalhfilh bial kalkawng pui ber a ni a, a dawh hna hi PWD SE Pu Bow Man chuan riah chilhin a enkawl a ni. Kan palai zawhna chhangin PWD hotute chuan tun dinhmun ah Lei chim chhan hriat theih anih loh thu an sawi a, lei dawh that hna hi zaa 90 vel zawh a nih thu an sawi a ni.

Courtesy : DDK Aizawl

Similar Articles

Top