You are here
Home > Zoram > PU LALRINMAWIA RALTE IN W. BUNGHMUN KHUA-AH SOLAR WATER PUMP A HAWNG

PU LALRINMAWIA RALTE IN W. BUNGHMUN KHUA-AH SOLAR WATER PUMP A HAWNG

PU LALRINMAWIA RALTE IN W. BUNGHMUN KHUA-AH SOLAR WATER PUMP A HAWNG

Nimin khan Pu Lalrinmawia Ralte, Minster of State, Environment, Forests & Climate Change, Labour, Employment & Industrial Training etc. chuan W. Bunghmun khua-ah Solar Water Pump a hawng.

img-20161015-wa_1476533217

Khuallian chuan Environment friendly nizung chakna hmanga Water Pump hawn a ni chu lawmawm a ti hle a, khawtlang mipuite chu neitu thinlung pu a tha taka enkawl turin a chahin, W. Bunghmun khua chu Dampa Tiger Reserve hnaiha awm an nih avangin in vannei hle a, thing leh mau nungchate tamna hmun a nih avangin, khualzin mite hip thei khawp a humhalhna chang hre tur leh Khawtlang huap a Forest Reserve team din turin a chah a ni.

img-20161015-wa_1476533247

Co-Operation Minister hian P&ME( Production and micro enterprise) hnuaia Self Group 8 leh mimal thawk tha (Individual achievemnt) 18 te hnenah Rs 733295/- lakh a sem a ni, Nimin a hawn tak Solar Water Pump hi Pradhan Mantri Krishi Sanchay Yoyana (PMKSY) hnuaiah Rs 46,97,764/- lakh senga siam a ni a, Zawlnuam BDO chu Project Implementing Agency (PIA) niin P&V Eastern Engineer Bawngkawn, Aizawl ten an thawk a ni.

img-20161015-wa_1476533147

He hunah hian Pi Lalbiaksangi, District Bawrhsap Mamit chuan Faina pawimawh zia sawiin kut silfai dan dik leh Swach Bharat thutiam kalkhawm mipuite a neihpui. Bunghmun khua-a Solar Water Pump hawn tak hi P&V Eastern Engineer in an tarlan danin2 stage pump niin khaw awmdan a zirin nikhatah tui 28000 atanga 30000 litre vel pump thei tura ngaih a ni a, W, Bunghmun mipui 1200 vel chawm thei tura ngaih a ni. P&V Eastern Engineer te hian kum 2 chhung khawl hi an vil zui dawn a, harsatna a awm a nih pawhin a thlawnin an siam thin dawn a ni.

img-20161015-wa_1476533184

Solar Water Pump hawnna hun hi Pu Lalrinawma, Zawlnuam BDO chuan a kaihruaia, W. Bunghmun leh Serhmun Watershed Committee aiawhin thusawi ngaihthlak niin Pu V. Lalfala IFS, Conservator of Forest leh Pu Lalmalsawma District Labour & Employment, Aizawl ten an department chan atanga mipui hriattur pawimawh hrang hrangte an sawi bawk a ni. Khawtlang aiawhin Pu Zairemsiama VCP Mamit chuan lawmthu sawina a nei bawk a ni. Minister Pu Lalrinmawia Ralte hi Mamit District Bawrhsap Pi Lalbiaksangi, Pu V. Lalfala, IFS Chief Conservator Of Forest Wildlife, Pu Lalmalsawma, District Labour & Employment, Pu Lalduhthlana DFO, Kawrthah, Pu Paul Rokima DIPRO, Mamit leh Sorkar Official thahnem takin an tawiawm a ni.

 

WRITTEN BY PAUL ROKIMA, MIS, DIPRO MAMIT

DATED: 15TH OCTOBER 2016, 4:54 PM | LANGUAGE: MIZO

Similar Articles

Top