You are here
Home > Zoram > POETRY FESTIVAL 2017

POETRY FESTIVAL 2017

POETRY FESTIVAL 2017

Vawiin khan SCERT Auditorium-ah SCERT buatsaihin Poetry Festival leh Proficiency Award in English semna hun hman a ni a. He hun hi Pi Laldawngliani Chawngthu, Director, SCERT chuan kaihruaiin Prof. Lianzela, Mizoram University chu khuallian a ni.

11903346_754726447986627_1806894442_n

He huna khuallian Prof. Lianzela chuan Mizo thalaite zingah saptawnga thuziah, leh hlaphuah (poetry) ah te nasa taka hmasawnna a awm chu lawmawm a tih thu a sawi a. Zirlaite chu tunlai khawvel inelna sang takah hlawhtling tur chuan ti tak tak leh tangmar peih te tan chauh hmun a awm tiin inthlahdah lova hmasawnna tura thawk zel turin a fuih a ni.

Prof. Lianzela, Mizoram University chu khuallian a ni.
Prof. Lianzela, Mizoram University chu khuallian a ni.

Poetry Festival hi kum 2011 atang khan SCERT chuan Higher Secondary School zirlaite tan a buatsaih tawh thin a. He hunah hian zirlaiten “on-the-spot” poetry writing competition neiin an poetry ziah kaihruai tur hian kum tin thupui (theme) chi hrang hrang siam thin a niin kumin hian Higher Secondary School 13 atangin zirlai 63 an tel a. Joshua Lalremruata, St. Joseph’s Hr Sec School chuan lawmmawn pakhatna a dawnga, Rachel Zorinpuii, Govt. Chaltlang Hr Sec School chuan lawmman pahnihna a dawnga, Graham KH Hrokai, Mount Carmel School chuan lawmman pathumna a dawng  a, lawmman hian trophy, certificate leh tangka fai a keng tel a ni.

Proficiency Award in English hi kum 2011 atang vekin  sem tan a ni a, HSLC leh HSSLC exam-a English Subject-a mark hmu sang (top three) top three te hnenah Certificate leh tangkafai pek thin a niin English zirna kawnga hmasawn zel nana buatsaih a ni. Nikum thleng khan he Proficiency Award in English hi zirlai 194 in an dawng tawh a kumin hian Zirlai 15 hnenah lawmman sem a ni a; HSSLC ahVanlalmuanpuia Tlau, Home Mission School leh HSSLC ah Lalhlimpuii Home Mission School ten pakhatna an hauh a.Proficiency Award in English ah hian lawmman pakhatna hian certificate leh Rs.5000/- a keng tela, pahnihna in Rs.3500 leh thuziak, pathumna in Rs.2000 leh thuziak a keng tel a ni.

He hun hi Pi Laldawngliani Chawngthu , SCERT Director chuan kaihruaiin Saptawnga poetry  ziaha hma an sawn theihnan leh zirlaite talent hai chhuah nan he inelna hi kalpui thin anih thu a sawi a, Pi Zoramthangi Ralte ,Tutor SCERT, hnen atangin report ngaihthlak niin poetry ziah intihsiakna endiktu (judge) Pi Mona Zote, Asst Commissioner of State Taxes chuan thu a sawi bawk a ni.

WRITTEN BY CHRISTINA LALMUANZUALI MIS, IPRO

DATED: 5TH DECEMBER 2017, 4:17 PM | LANGUAGE: MIZO

Similar Articles

Top