You are here
Home > Asia News > PM MODI RADIO THUSAWI – MANN KI BAAT

PM MODI RADIO THUSAWI – MANN KI BAAT

Prime Minister Narendra Modi chuan thla tin vawi k hat radio kaltlanga ram mipuite hnena thuchah a sawi thin Mann Ki Baat chu vawiin hian a sawi leh ta a. Thla hmasaa a thusawi lo ngaithlatu Karnataka rama skul naupangte pawhin lehkha an rawn thu a sawi a, “ Kan rama zirlai naupang te te te pawh hian kan ramin a hmachhawn mek harsatna te an lo hre vek a ni,” Modi chuan a ti a. Vawiina a thusawi pawimawh zualpuite:-

  • Prime Minister Narenda Modi chuan India ram mipui zawng zawngte kumthar chibai bukin duhsakna a hlan.
  • Kum 2000 kuma piangte kumthar January ni 1 atangin vote nei thei an lo ni dawn ta a, India ram democracy hian heng vote nei thar turte hi a lo lawm a, India Thar din tur hian vote neite hi an pawimawh em a, ram kal siamtu an ni a, democracy rama thil ropui ber mai chu mahni duh zawng hruaitu thlan theihna tura vote neih hi a ni.
  • India Ramtharzia-ah chuan hnam bil inthliarhranna te, ngaihdan firfiak lutuk neih te, eirukna te, bawlhhlawhte a bo tawh ang a, retheihna atanga zalenna te a awm tawh zawk ang.
  • Vote nei thei mi tharte chuan phur tak leh chak takin, thiamna thar lehchakna thar nen India ram hi ram ropui takah an hruai thleng dawn a ni.
  • Chu India Thar-ahchuan kum 2022 hian eng tin nge kan tum ram hi kan tlen theih ang tih ngaithuah chungin ruahmanna kan siam a ngai ta a, kan ram zalenna sualtute duhaisam leh hmathlir ram kha thlen kan tum ngei tur a ni.
  • Ţhangtharte leh ţhalaite tan hian kawng kan sial mek a, skill development atangin innovation leh entrepreneurship lam kawng kan dap mek a, kum 18 tling tawhte tan hna hi kan siam a pawimawh a, chu chu kan buaipui mek a ni.
  • Kumthar atang thil thil a eng zawng leh a ţha zawnga thlir chungin hma la ta vek ila, He kum thar hi hlim takin lo hmuak ila, ‘Positive India’ atang hian ‘Progressive India’ thlen I tum ţheuh ang u.

(MZU Twelth Convocation, November ni 21-a neihah hian Vice Chancellor  Prof. KRS Sambasiva Rao chuan zirlai hlawtling 6970 hnenah Degree a pe(Conferred) a; heng zinga 1614 hian Convocation an chhim a ni.  Degree nei zingah Gold Medal 88, doctor of Philosophy 58, Master of Philosophy 39, MA 298, MSc 287, MSW 34, M.Com 26, MBA 30, Master’s Degree(MJMC) 19, Master’s Degree(Lib & Info.sc) 31, B.Tech 33, M.Ed 10, MCA 14, BA 395, BSc 203, LLB 1, Bachelor of Social Work 1, B.Ed 29, BBA 26, RIT 2 leh BCom 78 te an ni.

Heng college degree nei tharte hian hna a awm lo va, chuvangin Modi sawi Skill Development khi a pawimawh ta em em a, Mizoram sorkar pawh hian NEDP-ah hian skill development hi a ngaih pawmawh hle a ngai a ni. )

 

Similar Articles

Top