You are here
Home > World News > PM MODI HI THAWHHOPUI KA CHAK ZEK ZEK – DONALD TRUMP

PM MODI HI THAWHHOPUI KA CHAK ZEK ZEK – DONALD TRUMP

Donald Trump chuan “US President-a thlantlin ka nih chuan India leh US hi inţhiantha tak ram kan ni dawn a,  hmakhua eng tak kan nei  a ni , a ti a, “ Mi chak tak India Prime Minister Modi hi  thawhpui ka chak zek zek a ni.” a ti bawk.

The Republican Hindu Coalition chuan nizan khan Eden, New Jersey-ah Indian American event an buatsaih a, hetah hian Republican presidential candidate Donald Trump-a’n hmanpuiin thu a sawi a, “India ram hi US ţhian a ni a, thlantlin ka nih phei chuan ţhian tha ber kan ni ang a, firfiak pawl dona kawngah pawh nasa takin kan thawkho thei dawn a ni, a ti.

Thla 19 kal ta mai khan Mumbai ka thlawh a, Mumbai khawpui hi nuam ka tiin ka ngaina hle a, la rawn zin fo pawh ka tum a,  firfiak pawlin an han bei a, an beihlet dan  mawlh mai kha ropui ka ti a, radical Islamic terrorism hi kan do zel ang a, kan bei zel dawn a, Hillary Clinton-i’n radical Islamic terrorism  tih tawngkam a hmang ngam lo ringawt pawh hi a dawizep hi ka han ti mai mai khawp a. India ram leh Hindu hi ka ngaina a, thlantlin ka nih chuan Hindu ho hi White House-ah in tlangnel hle dawn a ni, a ti.

America rama awm Indian mite taihmakna hi chhuanawm ka ti fo va, America ram pum huapa sumdawn thiam ber, highest rate of entrepreneurship in han ni thei te hi faktlak in ni a, America mite leh Indian mite sumdawn thiamna   avangin America ram hi ram ropuiah kan siam mek a ni a, tun inthlanah hian America rama awm  Indian community zawng zawng hian min vote pawh ka beisei em em a ni, a ti.

Bollywood film star lar tak Ranbir Kapoor chuan comment a ziak a:

“US-ah ka awm mek a, Florida, Colorado leh New York khawpui dangte ka kartawn chhen a, American mi vantlang zingah Donald Trump thlawptu an tam em em tih hi ka hre chiang em em mai a. Florida leh Colorado-ah chuan a tlin ka ring a, New York- chuan a tlin ka ring lo va, inthlan vote chhiar hunah Donald Trump hi chiang mangkhengin a lo tling ta a nih pawhin  kei chuan mak ka ti lutuk hran lo vang”

Similar Articles

Top