You are here
Home > Asia News > PM MODI CHENNAIA A THUSAWI

PM MODI CHENNAIA A THUSAWI

Tamil ni tin chanchinbu Daily Thanthi  kum 75 tling cham lawmna, Chennaia Prime Minister Narendra Modi thusawi tlangpui ;

 

  • Khuarel chhiatna hi khawvel hmun hrang hrangah a thleng zing mawlh mawlh ta hle a, chanchinbu mite hian climate change lam pang hi ziak uar ula, a va ţha dawn em.
  • Chanchinbu-ah hian politics hian hmun a luah zau hle mai a, chutih laiin politician te chauh ni lovin, India ram mipui vbc 125 hian tuna India ram hi kan siam mek a ni a, chanchinbu mite hian India ram mi, mi hlawhtlingte chanchin hi ziak tam deuh deuh ula,  ţhan han la lehzual sauh sauh teh u.
  • Tunlai hian chanchin thar hi kan hre zung zung thei ta a, kan chanchin thar hriat chu a rintlak em tih hi kan ngaihven nghal vek tawh a, chuvangin Media hi mipuite  rintlak  ni tura ţan inlak a ngai a, rintlak ni tura inelna thianghlim inneih a ngai a, Media rintlak hi democracy ram hrisel siam nan a pawimawh a ni.
  • Chanchinbu neitute hi mimal kan nei mai thei a, chanchinbu neitute mawhphurhna chu khawtlang leh vantlang huap a ni daih thung a, mipui thlan tlin sorkar ang leh roreltu judiciary ang bawkin social accountability an kovah a innghat a ni.
  • Editorial freedom hi vantlang hamţhatna tura hman thiam a ngai. Thu sawi theihna zalenna leh thu ziak theihna zalenna, freedom of speech hian thu dik lo ziak phalna a keng tel lo va, Mahatma Gandhi khan a lo sawi a, Press hi forth estate a ni a, thudik lo leh dawt ziak erawh dan bawhchhiatna sual, criminal a ni a ti reng a ni. Media leh chanchinbu thiltihtheihna hmansual hi dan bawhchhiatna a ni.
  • Media hian chanchin thar chauh min hriattir a ni lo va, kan rilru sukthlek leh kan thil ngaihtuah dan tleng hian a siam danglam thei a, khawvel tukverhah khua min thlirtir thei a, khawtlang nun pawh hi a siam danglam thei a. Chuvang tak chuan Media hi democracy lungthu pathum Legislature, Executive leh Judiciary te ang thawthanga pawimawh a lungthu palina a ni e, an ti chawk reng a ni.

 

Similar Articles

Top