You are here
Home > World News > PM MODI-A’N MAHATMA GANDHI REL ATANGA AN PAIHCHHUAHNA HMUN TLAWH DAWN

PM MODI-A’N MAHATMA GANDHI REL ATANGA AN PAIHCHHUAHNA HMUN TLAWH DAWN

Prime Minister Narendra Modi chu Africa ram 4 tlawh tura a zinna-ah South Africa khawpui Pretoria thleng tawhin South African President Jacob Zuma nen an inbiak hnu-ah joint press conference an nei a, Modi chuan India leh South Africa te hian business & investment lamah thawhhona tur hmathlir a eng hle nia sawiin fiarfiaka chetna reng reng do dun an tum thu leh minerals, mining, chemicals and pharmaceuticals lama insumdawntawnna nei zel turin inremna thutlung MoU 4 an ziak bawk a ni.

PM Modi chuan South African President-in India ram NSG member a nih theih nana a thlawp avangin lawmthu a sawi bakah South Africa rama a zin thei chu Mahatma Gandhi leh Nelson Mandela te zahna chibai a buk theihna hun remchang a nih avangin a lawm thu a sawi bawk a ni.

 

Naktuk hian Prime Minister Narendra Modi chuan 1893 kuma Mahatma Gandhi  a vun rawng a danglam bik avanga hmusit taka a chuanna rel atanga an paichhuahna Pietermaritzburg a tlawh dawn bakah Mahatma Gandhi lo chenna Durban khuaa Phoenix Settlement a tlawh dawn bawk a ni.

 

Modi hian Africa ram khawmualpuia ram 4, Mozambique, South Africa, Tanzania leh Kenya a tlawh dawn a, India ram nen insumdawntawnna lam a sawipui hlawm dawn a ni.

 

Similar Articles

Top