You are here
Home > World News > PHILIPPINES PRESIDENT HRAM TLAHAWLH MAH MAH

PHILIPPINES PRESIDENT HRAM TLAHAWLH MAH MAH

PHILIPPINES PRESIDENT HRAM TLAHAWLH MAH MAH

US President Obama chuan Philippines President Rodrigo Duterte ruihhlo do chungchanga tual an that hnem lutuk chu ngai mawhin Association of Southeast Asian Nations (Asean) summit, Laos-a an neih hunah Philippines President chu hmuh a tum thu puan a ni a, Philippines President Rodrigo Duterte chuan Obama hi eng ang mi-ah nge maw a in ngaih le, nawhchizuar fapa ve mai a ni lawm ni? a tih avangin US President hian a ruahhmanna siam danglam lehin Rodrigo Duterte hi a hmu dawn ta lo va, vawiin hian President Park Geun-hye of South Korea nen an inbe dawn ta thung a ni.

_91036578_035114162-1

President Obama hi China ram Hangzhou khawpuia G20 meeting a chhim zo Laos ramah nizan khan a thlawk thleng tawh a ni.

37E364E800000578-0-image-a-23_1472966628739

Hangzhou G20 meeting chhim tura airport a thlen khan China sorkar hian US President thlawhna Air Force One hma lam atanga kawngkhara a rawn chhuahna thin leilawn,stair an dawh duh tlat lo va, Obama hi a chhuah ngai lohna thlawhna kawngkhar dang atangin a chhuah a ngai ta a, red carpet pawh phah a ni lo a ni. A thla lak tum  US chanchinbu mite pawh a bul hnaia kal an phal lo va, an sawisel chuan Chinese security chuan “ Hei hi kan ram a ni a, hei hi kan airport a ni” tiin a chhang hmiah mai a.

160811165642-rodrigo-duterte-quote-11-exlarge-169

He thu kalve zelah US Defense Intelligence Agency Twitter account-ah, “China thil tih dan hi chu a va han Ch.k tak țhin em!, “Classy as always China” tihelna thu an post a, a hnu rei lo te-ah he thu post hi delete a ni a, a hnu-ah ngaihdam dilna an rawn siam leh ta a ni. DIA pawh an ti lutuk deuh niin a lang a, US sorkar official network meuhva Washington Post thuziak China hotute elsennaClassy as always China”tih an post kha ngaihdam dilna tham a tling ve reng a ni.

160811161212-rodrigo-duterte-quote-7-exlarge-169

G20 meetingah hian US leh Russia chuan Syria ram chhung buaina chungchang sawi fel an tum hle a, an secretary te’n chhunzan zawma an sawiho hnu-ah US president leh Russia President te’n darkar 1 leh a chhan ve an sawi ho leh a, inremna an siam thei lo. Inrintawnna tlakchhamna avangin thu mum eng mah kan nei thei ta lo a ni, Obama chuan a ti a ni.

160811161056-rodrigo-duterte-quote-6-exlarge-169

He ram hruaitu lian pahnihte inrem theih lohna tak hi Syria President leh ISIS tan chuan thu lawmawm ber a lo ni ve leh thung si a ni.

160811160708-rodrigo-duterte-quote-5-exlarge-169

Tichuan, Obama chu Laos a thleng ta a, Duterte țawngkam tlahawlh  tak avangin Obama hian Duterte hi a hmu  dawn ta lo a nih chu.

160420175244-rodrigo-duterte-quote-1-exlarge-169

Philippines President Rodrigo Duterte hi a fawngvuantu a nih țan phat  June thla atang khan ruihhlo do beihpui a thlak nghal a, police kutah ruihhlo-a sum dawngte kahhlum phalna a pe, sanction a ni ber a, ruihhlo zuara ngaih mi 2400 lai an kap hlum tawh a, ruihhlo zuar an chimit hma loh chuan ruihhlo do beihpui hi kan thlak zel dawn a, mi sawiseltu chu ka chirhtheh let nghal zel dawn a ni, a ti.

 

Duterte ruihhlo do dan hi UN chuan, human rights bawhchhiatna lian tak a ni tiin an sawisel reng a, Philippines rama kohhran lian ber Roman Catholic kohhran pawhin an sawisel a, UN human rights expert mi 2 te chuan August thla khan Duterte-a’n  policete hnena ruihhlo zuarte kahhlum theihna a pek hi a dik lo va, tharum thawhna inzirtirna a ni a, tual thah hi international law kalh a ni, an ti bawk a ni.

Similar Articles

Top