You are here
Home > Zoram > PASTOR LALSAWMA A BORAL

PASTOR LALSAWMA A BORAL

Rev Dr. Lalsawma Kum – 87 Mission vengthlang chu tukin zing (9.2.17) dar 2:25 khan a thi. 
.
A ruang hi vawiin chawhnu dar 12:30 ah in lamah thlahna hun hman a ni anga, Mission Vengthlang Presbyterian Biak In ah tlai dar 2:00 ah hun hnuhnung hman pui a ni ang.
.
Rev.Dr. LALSAWMA CHANCHIN

Lalsawma hi kum 1930-ah Sailam khuaah a piang a, kum 8 mi a nih thlengin chutah chuan an awm a, Khawbung khuaah an pem a, chutah chuan seilianin a nun kawng atan thlarau hruaina changing a damchhung hun hman dan a inrel chhuak ta a ni.

Lalsawma hi Rev.Langlura (L) leh Pi Darneihkimi (L) te fa 13 zinga 6-na a ni a, a unau mipa 5 leh hmeichhia 8 an ni.

A MIZIA; A naupan lai atangin mi zakzum tak a ni a, khawlaia ţhiante nena awm ai chuan dai vel leh ramhnuaia awm nuam a ti zawk ţhin. Sava perh thla thei, chakai man thei tak a ni. Pastor hnathawh a huphurhna ber pawh thuhril a ţul tlat hi a ni a, a thuhril ţan lai chuan a khur ţhin a, zak lova Pathian thusawi theih a chak em em ţhin. He thuah hian a pa hnenah, “ Ka pa, Pastor hna kher hi chu thawh loh mai ka duh. Ka zak ţhin lutuk a, thu pawh ka duh angin ka sawi thei si lo” a ti a. A pa chu a ngawi vung vung a, nakinah chuan, “ Sâwma, Pathian thu  hi chu zak lova sawi vak vak thei te aiin, zak chung chunga sawi ţhinte hian mi thinlung an hneh zawk fo asin,” a ti a. Pastor hna chu thawk rawh, thawk suh, a ti chuang lo; mahse a fapa chuan a thawk zui hlen ta chu a nih hi. A lehlamah chuan, a zahzumna hi sual laka a him phahna chhan a ni ve bawk a ni.

A ZIRNA LAM : Kum 1942-ah Lower Primary a pass a, 1947-ah Middle, 1952-ah Matriculation, 1955-ah Licentiate in Theology(LTh), 1958-ah Bahcalor of Divinity(BD),1968-ah Master of Theology(MTh). Mizo zinga MTh Degree nei hmasa ber a ni.

A HNA CHELH TAWHTE :

1955-1956; Probationary Pastor ( Durtlang Bial)

1958-1961; Pastor (Biate Bial)

1964-1978; Aizawl Theological College(ATC)-ah Registrar leh Principal

1979-1988; synod Executive Secretary

1989-1992; Pastor ( Mission Veng Bial, Aizawl)

1993 kumah a pension ta a.

1998-2002; Principal, Discipleship Training Institute, (Neihboi) Sihphir

Pastor hna a thawh chhungin mi 1909 a baptisma a chantir a, nupa tuak 290 a inneihtir bawk a ni.

KOHHRANA A MAWHPHURHNA DANGTE

  1. Assembly, Presbyterian Church of India

Secretary (1965-1968), Moderator (1972-1974), Executive Committee Member (1965-1978)

  1. Mizoram Synod

Secretary (1966-1967), Moderator (1968, 1987), Executive Committee Member (1965-1987)

  1. National Christian Council of India (NCCI)

Executive Committee Member (1974-1976)

PADMA SHRI AWARD HMUHNA

  1. Mizoram buaina (1966) nena inzawm
  2. Citizen’s Committee : Kum 1966, March thlaah Aizawl khawpui thian fai tur leh mipui mangang tanpui turin Citizens’ Committee din a ni a, chutah chuan member niin March ni 13-ah mitthi ruang 11 seng hawinaah a hruaitu a ni.
  3. Christian Peace Committee : Rambuai kum, 1966 March thlaah Sawrkar leh MNF inkara remthu sawi turin Mizoram Baptist Kohhran leh Presbyterian Kohhran tangrualin Christian Peace Committee an din a, chutah chuan member niin 1969 atang chuan Secretary hna a thawk a, Zoram chhung leh pawna MNF hotute biain palai hna a thawk thin a ni.
  4. Zoram Kohhran Hruaitute Committee : Kum 1982 august thla atangin Zoram Kohhran Hruaitute Committee din a ni a, chutah chuan kum 1983 atangin Chairman leh Delegation Leader hna a thawk a. Laldenga bia-in London leh Delhi inkarah an zin kual a. Hetih hun laia India Prime Minister Smt.Indira Gandhi leh a thih hnuin Shri Rajiv Gandhi an bia a. Chu hna kal zel avang chuan June 1986-ah Peace Accord sign a ni ta a.
  5. BNLF nena palai hna

Kum 1997 atang Bru helna kal zelah helhote’n Forester pakhat an that a, Public Bus an hal a, sawrkar hnathawk mi 3 manin an hreng bo va, a tlan nan cheng nuai 67 an phut a.

Mizoram sawrkarin Bru hel sipai BNLF ( Bru National Liberation Front) te be turin Lalsawma leh a ţhiante an tir a. Thlanchhuahna man pawisa pe hauh lovin mi hrente ( hostages) an rawn chhuah vek a ni.

Tin, BNLF leh Mizoram sawrkar inbiak zui theih nan vawi tam tak palai hna an thawk a, inbiakna kawng hawngtu an ni bawk.

  1. SOCIAL UPLIFT WORK

Mizoram chhunga ţhalai nun kal dik lo hruaichhuak/dik turin, kum 1998 atangin Discipleship Training Institute, ( Neihbo) Shiphir-ah an din a. Lalsawma chu hemi Institute din ţantirh atangin a Principal niin kum 7 chhungin mi 700 aia tam an zirchuak tawh a ni.

  1. THUZIAK THIAM A NI

Lalsawma ni mi bik anihna langsar tak chu thuziak mi a nihna hi a hi a, a thuziak hi a fimkhur bawk a, a thuziak reng reng hi belhchian dawl tak leh zirchian dawl tak vek an ni a, Pathian thu lam lehkhabu tam tak leh article ram rak a ziak a ni. A lehkhabu ziakte;

  1. Khawngaihna Rahte( Translation of Fruits of Grace by Kenneth Bounds)- 1955
  2. Isaia Pahnihna ( Deutero-Isaiah)-1960
  3. Chanchin Ţha Luka ( The Gospel According to Luke)- 1965
  4. Thuthlung Hlui Bute ( Introduction to the Books of O.T)- 1967
  5. Kristian Thurin Tlangpui ( Translation of Outlines of Christian Doctrine by Marcus Ward)
  6. Baibula Hlate- Sam leh Hlathlan khawm( Poetical Books of The Bible)-1972
  7. Zawlnei Jona( The Prophet Jonah)- 1972
  8. Galatia Lehkhathawn( Epistle to the Galatians)- 1972
  9. Tirhkohte Thuvawn( The Apostles’ Creed)-1972
  10. Lal Isua Hmingte ( The Names of Jesus)-1975
  11. Korinth I ( The First Corinthians)-1980
  12. Chi hi a dak tawh chuan ( Translation of If the Salt Loses Its Flovour- CWM Study Material)-1980
  13. Peter Frazer ( Biography)-1982
  14. Mihring Mizia leh Kristian Nun ( The Nature of Man and Christian Life)
  15. Rom Lehkhathawn( Epistle to the Romans)-1990
  16. Revivals The Mizo Way ( English Publication)-1993
  17. The William Williams; The Welsh Pathfinder( Biography)-1994
  18. Pastor Bo Khan Thu A Sawi Dawn ( The Pastor Who Lost His Way Speaks)- 1998
  19. Kristian Thurin Zirna( Studies on Christian Doctrines)-1999
  20. Ka thlarau zawkin le Volume I-2011
  21. Ka thlarau zawkin le Volume II-2012

ARTICLES IN ENGLISH

  1. The Shaking of Foundations in Mizo Society- Mizo Today-1975
  2. Christian in Socio-Cultural Life-NEICC Seminar-1976
  3. A School for Real Life Education-1977
  4. Changing Perspectives for Understanding Christ-NEICC Seminar-1978
  5. The Art of Singing as a By-Product of Revival Movement in Mizoram- Chhemdam-1998

ARTICLES IN MIZO;

  1. Kristian Kut Ni Pawimawhte ( Important Christian Festivals)-Didakhe,1972
  2. Mihring leh A nihna ( Man and His nature)- Didakhe, 1972
  3. Thlarau Hming chhala kal kawite ( Deviations in the name of spirit)-Didakhe,1977
  4. Athanasian Creed-Didakhe, 1974
  5. Chalcedon Khawmpui Thuvawn (Chalcedonean Creed) –Didakhe,1976
  6. Politics leh Pathian Thu( Politics and the word of God)-1981
  7. Kohhran lama kan mizia ( Our Attitude towards the Church)-1981
  8. Mizoram Kohhran leh Vantlang Nun-1982
  9. Vaivuta ta kaihthawh ( Raised from the Dust)-1987
  10. Pathian Thu leh Mizo Zia ( the word of God & Mizo culture)-1994
  11. Thlarau mi chu ( The Spiritual Man)-1994
  12. Kaisara Thil leh Pathian Thil-1994
  13. Thu Tisaa Chang ( the Word Made Flesh)-1994
  14. Remna leh Muanna atan Kohhran Hnathawh ( The role of the Church for Peace Accord in Mizoram)-1995
  15. Reverend leh Pastor ( Reverend and Pastor)-1994
  16. Ranthlengah Kraws a inţan- Nunna Kawng  ( the Cross begun in the Manger)-1995
  17. Bawp Khawkherh Theology ( Theology of Crossed Legs)-1995
  18. Kohhran Upa Title ( Church Leader as a title)-1995
  19. Khawsungsei Theology- 1995
  20. Kal hmasate thawm ( Reminiscences of the past leaders)-1995
  21. Kan Inko duat lutuk ta-1995
  22. Duh loh paih dan theology-1995
  23. Thawlawm pek dan theology- 1996
  24. Thlarau Thianghlim leh Keini-1996
  25. Engkimtitheia Hlim ( In the shadow of Almgihty)-1996
  26. Kohhran leh Harhna- (The Church & revival)-1996
  27. Harhna leh Mizo Kohhran -1997
  28. Mission Veng Kohhran-1997
  29. Setana Takzia leh Kristan Chakzia-1997
  30. Nghah loh dawr-1997
  31. Khawharna Kraws ( Cross of Loneliness)-1997
  32. Ringtu Lawmna Ro Hlu Ber ( The highest treasure of believers)-1988
  33. Thlarauva khat nun ( The Spirit Filled Life)-1998
  34. Ramsa Humhalh ( In Defence of Wildlife) -1998
  35. Ţawnghriatloh hi engtin nge kan tih dawn?-2000

A NUPUI FANAUTE

Kum 1961 March thla ni 7 khan Pastor Thanga’n Mission Veng Biak inah Nl.Lalnuntluangi, Mission Veng nen a inneihtir a, fapa pali leh fanu pahnih an nei a, hetianga khawtlang leh kohhrana rawngbawlna hlawhlting tak nei tur hian amah theihtawpa ţawiawmtu a nupui leh a fate hi an fakawm hle a ni. Ţul hrang hrang avangin pa berin in lam ro a rel hman lo va, chutianga chhungkua lo enfel a, pa ber zalen tak leh hlawhtling taka rawngbawla khawtlang leh kohhran lama inhmang thei tura an nupui fanaute thawhrimna avangin an pa ber hi hetiang dinhmunah an hlangkai thei a, mipa hlawhtling phenah hmeichhe fel tak an awm a ni an lo tih hi Pastor Lalsawmate chhungkaw nunah pawh hian a dik hle a, a nupui fanaute hi an chhuanawm em em a ni.

 

Similar Articles

Top