You are here
Home > Asia News > PARLIAMENTARY PANEL HMAAH RBI GOVERNOR INLAN LEH

PARLIAMENTARY PANEL HMAAH RBI GOVERNOR INLAN LEH

Vawiin khan parliamentary panel hmaah Reserve Bank of India Governor Urjit Patel chu a vawi hnihna atan a inlan leh a, MP te hian pawisa tihthih thut nghawng kal zel thu chi hrang hrang an lo zawt hlawm a ni.

 Reserve Bank of India Governor Urjit Patel chuan Bank hrang hranga pawisa thi an dah lut zat chu special team-in chhun zan zawmin an chhiar mek a ni, a ti.

 Samajwadi Party hruaitu  Naresh Aggarwal leh Trinamool MP Saugato Roy te chuan Urjit Patel chu pawisa thi khaw eng zat nge lo lut tawh tiin an zawt a, ani chuan tunah hian India ram pum huapa pawisa leng vel chu vbc nuai 15.4 a ni a, Prime Minister Narendra-a’n black money leh corruption tihreh nan zan khat thil thua pawisa a tih thih thut lai khan India rama pawisa leng vel chu vbc nuai 17.7 a nih thuin a chhang a ni.

 RBI Governor hian pawisa thi te kha Nepal ram atangin a lo la lut mek a, cooperative bank te chu pawisa thi lo la thlengsak turin hriattir an ni, a ti bawk.

Congress MP Veerappa Moily kaihhruai parliamentary panel hian RBI Governor chu vawi hnih inlan turin a lo ko tawh a, Patel hian chhuanlam siamin a inlan duh lo va, vawiin hian a inlan ta chauh a ni.

Parliamentary panel hian pawisa tihthih thutin a nghawng kal zel chungchang  hi finance ministry official-te pawh kovin  thu an lo zawt tawh bawk a ni.

 

Similar Articles

Top