You are here
Home > World News > OBAMA A KA A ANG VE TA!

OBAMA A KA A ANG VE TA!

President Barack Obama chuan FBI hian thu belh chian dawl lo, mei nei rana mi thusawi “innuendo” emaw, thu put ru (leaks)emaw hi an chhui ve ngai lo va, thu belh chian dawl leh chanchin kimchang complete information an hriat hnuah chauh tihdan tur fumfe tak,concrete decision  an siam a, thil  an chhui chauh thin a ni, tiin tun hnaia FBI Director James Comey thil tih dan chu tihdanphung pangnai a nih loh thu a sawichhuak ta.

He thu hi nimina (Nimin tih hi nizan a ni zawk mah) an tihchhuah tak NowThisNews-in  a kawmnaa a sawi a ni a, thu belh chian dawl ni si lo, mipui ngaihdan hruai kawi thei thil hi sorkar atang a chhuak tur a ni lo a ti.

Obama chuan, Hillary Clinton hian thil tih dik loh palh chu a nei ngei mai a, mahse FBI te, Justice Department te leh congressional investigations te pawhin vawi duai lo an lo chhui tawhin amah ngei pawh hmaichhaiah an lo lepse tawh a, thubuai siamna tlak thil  sual tih a nei lo tiin thu an titawp ta a ni, a ti.

Chawlhkar tir lam khan White House Press Secretary Josh Earnest chuan FBI Director Corney thlavang a hauh a, mi rilru puilting tak, a man of integrity a niin mi rintlak tak a ni a, President Obama chuan a hna hi thawk chhunzawm turin a la ring tawk a ni, a ti a ni. Hetih lai hian FBI Director Corney hi Republican ruhkawl a lo ni a, registered voter ngat, keini rama party fee Rs. 2 chawia hming ziaklut ve ngat a lo ni tih an haichhuak ve bawk a ni.

Nimin lama North Carolina vantlan inkhawmnaa Hillary Clinton tan a campaing-naah President Obama chuan Donald Trump hi US president a nih chuan khawvel muanna a derthawng vek dawn a,  America mipuite’n harsa taka an neih civil rights pawh hi a rawn tikhawbaw vek dawn a ni, a ti.

“He ram awm zel dan tur hi in kutah in kokiah a inngat a, he khawvel hmakhua hi in kori-ah a innghat mek a,  kawng dik kan pan a ngai a,  dik leh felna, fairness hi ballot-ah a awm a, zahawmna hi ballot-ah a awm a, rorelna dik justice hi ballotah bawk a awm a, hmasawnna tluantling progress hi ballot-ah a awm leh bawk a, kan ram democracy hi ballotah hian a awm a lo ni” Obama chuan a ti a ni.

Republican presidential candidate Donald Trump chuan President Barack Obama chu Hillary Clinton tan campaing tawh lo turin a chah a, Pensacola, Florida vantlang inkhawmnaa thu a sawinaah ,” America ram mipute hian kum 4 lo awm tur chhung hian Obama rim nam reng reng White Houste hi luah lo tawhp se tih hi an duh-ai-sam ber a ni a ti.

Donald Trump chuan, tun hnaite hian Hillary Clinton chu uite vawih khum an sawi ang maiin a phi cheng mai a, a nun a chi-ai nasa hle a, mu  leh mal pawh a nei tawh lo a ni, a ti bawk.

 

 

Similar Articles

Top