You are here
Home > Zoram > NUNNA THAR ZANINAH AN TICHHUAK DAWN TA

NUNNA THAR ZANINAH AN TICHHUAK DAWN TA

NUNNA THAR ZANINAH AN TICHHUAK DAWN TA

Kristian film hmuhnawm tur, a changtute aṭang ngawt pawha en châkawm, Nunna Thar chu zanin hian Vanapa Hall-ah khuhhawn a ni tawh dawn.

13671715_1001703246603654_799776201_n

Nunna Thar film hi Mapuia Chawngthu, Leitlang Pictures leh Siama, SVP te direct leh siam a ni. Uluk taka inbuatsaiha chan a ni. Thenzawl leh Lungleiah te chan a ni a, a film thawnthu pawh a ṭha hle. Nula pakhat, a nuna harsatna a neih aṭanga a chhuah a, Pathian a hmuh dan, a hnaih dan chanchin a ni. He film hi hun pahnih kaih­kawpa siam a ni a, kum 1980 chho leh tunhnai angin a thawnthu kalpui a ni. A thawnthu a ngaihnawm a, a changtute pawhin an chang thiam a, en a chakawm tawh hle.

7c752f57542f62876df58f4f0f95d174andrew

Zaithiam, Andrew Laltlankima chuan he film-ah hian Zico lem a rawn chang a, ani hi he film OST, Nunna Thar phuahtu a ni bawk. Jenny Zosangliani chu a changtunu, tunlai huna mi zawk a ni a, film-ah hian Zothani lemah a chang. MS Dawngliana Chawngthu chu a changtupa pakhat zawk a ni a, Zira lemah changin, 1980 chho vel huna a changtu a ni. A changtunu pakhat dang hi Sangtei Renza a ni a, Sangzuali lemah a chang a ni. A changtu dangte pawh an thiam a, a changtute zingah hian Adama leh Hruaia, Chanmari te pawh an tel.

maxresdefault

He film hi nula pakhat, kum 25 bawr vel, a pain a pawngsual hnu leh, a nu cancer avanga a thih hnua nun lungchhiatthlak tak a tawn chhoh dan, chuta ṭanga Zosam khuaa ṭhian thar a chhar dan chanchin a ni. Hnu­chham enkawlna aṭanga seilian a, sual kawnga a zawh a, beidawnna khurah a lut a, chuta ṭang chuan Pathian a hnaih dan chanchin. A pa diary aṭanga a chunga thil thleng maksak tak awm ṭhin a hai chhuah dan, thawnthu ngaihnawm tak a ni. He film-ah hian a nu leh pa nulat tlangval lai, kum 1980 chho leh, a changtunu hun, tunlai chho tarlan kawp a ni.

mqdefault

Zanina a tlangzrah inkhawm hi zan dar 7:30-ah Vanapa Hall-ah neih a ni dawn a, Zonuni Fanai chuan a kaihruai ang a, C. Kung­puii’n film hi a tlangzarh ang.

Courtesy : http://www.vanglaini.org/thalai/61663#sthash.y21Z9Wdz.dpuf

Similar Articles

Top