You are here
Home > Asia News > NGAIDAM LA, THEIHNGHILH RAWH

NGAIDAM LA, THEIHNGHILH RAWH

Burma President  U Htin Kyaw chuan Thawhlehni khan Union Peace Conference thawh hnihna neih mek denchhenin  Religious Affair Minister hlui U Hsan Hsint leh tang dang 258 te tan ngaihdamna, amnesty thupek  a tichhuak.

U Hsan Hsint hi sipai hotu a nih laia U Htlin Kyaw mantira thla 4 lai lungina tantirtu a ni a.

Kum 2000 September thla khan Burma sipai sorkarin Aung San Suu Kyi chu Rangoon chhuahsan lo tura tih a ni a, Mandalay kal a tum chu Rel station-ah man a ni ta a. Suu Kyi hruai chhuak tura lo kal, tuna Burma President lo ni ta U  Htin Kyaw chu sipai ho chuan lo tidingin tunge a nih an zawt a, a insawi a, an inhnial buai ta a. Khatih laia sipai hotu, the deputy commander of  the Rangoon Command U Hsan Hsint chuan U Htin Kyaw chu mantirin lunginah thla 4 a tantir ta a ni.

U Hsan Hsint hi Thein Sein sipai sorkar hnuaiah khan kum khat tling lo deuh Religious Affair Minister a nih lai khan eiruk thubuai a ni a, kum 13 lung in tang tura tih a ni a. Kum 9 lai lung in la tang tur chu tunhmaa a lo tantira ngei khan a ngaidam a, jail run thim atangin a chhuak  a, khaw eng leh zalenna famkim hmuin  a nupui fanaute bulah a khawsa thei ta a ni.

Similar Articles

Top