You are here
Home > Asia News > NABHA JAIL ATANGIN TLANCHHUAK

NABHA JAIL ATANGIN TLANCHHUAK

Police uniform ha ralthuam keng mi 10 chuan tukin khan Punjab Nabha Central Jail luhchhuahin mi sual firfiak pawl Khalistan Liberation Force hotu Harminder Singh Mintoo leh tang dang 4 a thlanchhuahpui.

Heng police uniform ha mi 10 te hi car 2-in Nabha lung in hi an rawn pan a, chemte hmangin tang vengtu hi an bei a, silai vawi 100 vel van lam kap chungin  tan in hung chungah an car nen an tlan lut a, tangho hi an barrack atanga compound-a a chhuah lai tak  a ni a, Harminder Singh Mintoo, 49 leh tang dang 4, Vicky Gondar, Gurpreet Sekhon, Neeta Deol leh Vikramjit te  hruaichhuakin an tlan bo nghal a ni.

Heng mi sualte umzuia kaptu Police te an han them tlaw mai mai khawp a, mi sualte kap fuh si lovin nu pakhat an kap hlum.

Punjab Deputy Chief Minister Sukhbir Badal chuan heng misual jai atanga tlanchhuakte chhui tur bik special task force a din nghal a, Director General (Jail),  Nabha jail superintendent leh deputy superintendent te an suspend nghal bawk.

Nabha Central Jail hi Chandigarh atanga km 100 vela hlaa awm maximum security jail a ni.
References; NDTV & INDIA TODAY

Similar Articles

Top