North East Magazine The Thump Print chuan India ram hmarchhaka Publiic Rellation Officer tha 10 a thlan zingah Pu L.R.Sailo,Press Secretary to the Chief Minister, Mizoram leh Special Officer, Indian Institute of Mass Communication, Mizoram University Campus chu thlang telin pahninaah a dah.
L.R.Sailo hi 1949 kum khan Dr.Saichhunga Sailo leh Lalrikhumi Sailo te inkar atangin awm lo ata awma Siamtu chuan khawvel eng a rawn hmuhtir ve țan a, 1966 kum khan Don Bosco Technical School Shillong (Meghalaya) lutin 1971 kum khan St. Anthony’s College, Shillong atangin Honours in Economics a zirchhuak a, 1973 kum atang khan Mizoram sorkar hnuaiah a thawk țan ta a, social works lamah te inhmangin Roteracts, Moral Rearmament-ah intat lutin, a vanneiha siamin India ram hnam pa Mahatma Gandhi tupa, Mr. Rajmohan Gandhi, Editor in Chief of Himmat Weekly a nih laia Europe ram a fanna-ah a țawiawm ve thei hlauh va, Universities in Lyon University, France-ah te, Rotterdam University Netherlands ramah te , Oxford leh Cambridge University, England ramah te leh University of Trento, Italy-ah te non-violence chungchang thu a sawinaah L.R.Sailo hian a țawiawm ve zel a, a hlawkpui hle nghe nghe a ni.
Mizo sawrkar hnathawk tam zawkte hi chu kan sorkar hnaah hian kan tui lo tlangpuiin kan lu pan hnathawh deuh roh va. L.R.Sailo hi a hnaah a tui bawk a, hna a thiam bawk a, a inpe bawk a, 1973 kum khan District Information and Public Relations Officer atan lak a ni a, Press Information Officer atan ruat a niin 1992 kuma Director of Information and Public Relations-a hlan kai a nih hma zawng kha chuan Mizoram Chief Minister apiangte Press Secretary a ni ta char char a ni.
Mizoram buai vang lai leh thim chhah lai ber, India sipaite leh ramhnuai mite dolung leh tuboh inkara Mizo mipuite an awm lai te khan R.L.Thanzawna leh L.R.Sailo te hian Media campaign te neiin violence tharum thawh that lohzia te zirtirin Mizo mipui mimir thlamuan leh tihthawven nan Beat contest te an buatsaih thin a, kohhran hruaitu te, khawtlang hruaitute nen tangrualin Vai huatna leh Vai laka helna tihkiam nan media campaign te an lo huaihawt fo thin a ni. 1986 khan Mizorma chuan remna leh muanna a lo nei ta a, tun thleng hian India rama state ralmuang ber kan lo ni ta a ni.
L.R.Sailo hmalakna te avangin Mizoram state naupang takah hian Electronic media leh Print media te chu a tangkai thei ang bera hman a lo ni ta zel a, India ram pumah Mizoram chu Legislative Assembly rorel lai cabled TV-a Live pe hmasa ber a lo ni ta hial reng a ni. A hmalakna-in India ram zau taka hnam hrang hrang inpumkhatna atan Multimedia Publicity Campaigns buatsaih a ni fo bawk a, India rama ram kilkhawr taka awm Mizoram state hmasawnna te phochhuak turin Mizoram sorkar chu India ram pum huap National Trade Fairs-ah te telin New Delhi-ah Republic Day Tableau te pawh entir a ni fo a ni.
L.R.Sailo hian 1975 kum khan Indian Institute of Mass Communication, New Delhi atangin Basic Course in Mass Communication chu atangin a zirchhuak a, chu achhapah Photography for Mass Communication, Internet, etc. course te a kai fo va, thlalak a thiam hle a, a thlalak te hi national magazine Dharmayug-ah te tihchhuah a ni fo tawh a, amah hi thlalak lamah a tui bawk a, NSS hmalakna-in North Eastern Hill University-a college zirlaite pawh thlalak dan a zirtirna a pe thin a ni. R.L.Thanzawna leh L.R.Sailo te thlalak thiamna hian Mizoram Calendar hmel pawh a tidanglamin hma a sawn nasa hle reng a, kohhran calendar tih ang reng hi chuan khan lo tak a ni, khan lo tak!
Hetiang taka a thiamna te ram leh hnam tan a hman tangkai avangin 2009 kum khan Public Relations Council of India chuan Bangalore-ah Hall of Fame-ah a hming an seng lut a, Association of Business Communicators of India, Bombay chuan ‘Fellow of the Brain Trust of ABCI’-ah an lawm lut bawk a, kum 2008 khan Rotary Club of Aizawl chuan Vocational Excellence Award an hlan tawh bawk a ni. Hetiang taka mahni hnaa tui L.R.Sailo hi mi vannei tak a niin ka hria a, kumin January ni 22 khan hian India rama chawimawina sang leh hlu tak K R Singh Memorial Award Life time Achievement for Public Relation and Communication Professionals a dawng a, India ram pum huap chanchinbu hrang hrangah a chinchin hi an ziak chuai chuai mai a ni. He chawimawina hlu tak hi 10th Global Communication Conclave Kolkata-ah L.R.Sailo hian a zuk dawng a ni.
L.R.Sailo hi 2009 kum August thla khan a hna, Director of Information & Public Relations, Government of Mizoram atangin a pension ta a, mahse a thiamna hi ram leh hnam hian a la mamawh a ni ang e, 2009 kum October thla atang khan Press Secretary to the Chief Minister, Mizoram hna chu vawiin thleng hian a la chelh ta fan a, 2011 kum atanga bul țan Mizoram University Campus-a Indian Institute of Mass Communication-ah hian Special Officer niin English Journalism zirlai post graduate te hnenah zirtirna a la pe țhin a ni.
Born and brought up in Shillong, LR Sailo had worked and lived with Irish rebels in Northern Ireland at Derry and Belfast in early seventies. Appointed as District Information and Public Relations Officer in the Government of Mizoram in 1973, he served as Press Information Officer and Press Secretary to all the Chief Ministers of Mizoram till promotion to Director of Information and Public Relations in 1992. He had served during the most critical years of insurgency in Mizoram when violence was prevalent and the public were sandwiched between the Indian Army and the Mizo National Army (then outlawed). While in Government service, Sailo had attended Basic Course in Mass Communication in the Indian Institute of Mass Communication, New Delhi in 1975. Honoured by Public Relations Council of India at Bangalore in 2009 by admitting him into the Hall of Fame, he was accredited with the ‘Fellow of the Brain Trust of ABCI’ by Association of Business Communicators of India at Bombay. He played a great role in the establishment of the Aizawl Centre of Indian Institute of Mass Communication in 2011 and remains associated with it till date.