You are here
Home > Asia News > MYANMAR SIPAI LAL-IN RAM LEH HNAM ŢANRUAL HUN A NI A TI

MYANMAR SIPAI LAL-IN RAM LEH HNAM ŢANRUAL HUN A NI A TI

MYANMAR SIPAI LAL-IN RAM LEH HNAM ŢANRUAL HUN A NI A TI

Myanmar sipai lal ber General Min Aung Hlaing chuan Rohigya buaina lo chhuah chhan chu anmahni Rohingya vang vek niah a puh.

myanmar-army-chief-wb

Nimin-a Facebook-a a thuziakah General Min Aung Hlaing chuan heng mite hi Myanmar ram leilung fa an ni ngai lo reng reng a, an firfiak pawl hian Rakhine state-ah hian hmun nghet, stronghold neih an beisei ve ringawt a ni, a ti a. (Stornghold tih ţawngkam a hman avang hian ka mitthlaah Syria leh Iraq rama Muslim lalram nghet Caliphate din duh pawl ISIS/ IS te an lo lang a.)

_97678932_myanmarbangladeshrakhine4640515

Gen Min Aung Hlaing chuan Myanmar ram mipuite chu Rohingya buaina chungchangah ram leh hnam hmangaihna avanga ţangrual tlat turin a ngen a, August ni 25 hnu lam khan heng Bengali firfiak pawl leh Myanmar sipaite  vawi 93 an inbei tawh niin a tarlang bawk a ni.

Hetianga thurum thawha buaina an siam chhan dik tak chu Rakhine ram hmar lamah hian hmun nghet an ngiat a, Rohingya hnam anga sorkar pawmpui an beisei a, kan ram leilung fa ni ngai lo Bengali hnamte hi engti kawng mahin ram mi nihna kan pe dawn lo va, he ram leh hnam thil pawimawh takah hian thudik hailan nan kan ţanrual a hun ta meuh meuh a ni, a ti.

 

Similar Articles

Top