You are here
Home > Sports > MONGOLIAN COACH 2 THINRIMIN AN THAWMHNAW AN HLIP TAU!

MONGOLIAN COACH 2 THINRIMIN AN THAWMHNAW AN HLIP TAU!

Nimin Rio Olympics 65 kg wrestling result an puan danah Mongolian coach 2 te chuan lungawi lohna lantir nan an thawnhnaw an hlip tau va, mat chungah -ah a paih tau.

Heng coach 2 te hian Referee te thutlukna siam dan-ah an lungawi lo va, an hnial a, a sawt si lo va, an thawhhnaw an hlip tau va, coach pakhat zawk phei chuan a kekawrte chauh lo chu a hlip tau vek a, security official te’n an hruaichhuak ta a ni.

He wrestling inbeihnaah hian Uzbekistan mi  Ikhtiyor Navruzov chu Mongolian mi Mandakhnaran Ganzorig lakah 7-6-in a chak lo zawk niin a lang a. Mongolian pa lawm lutuk hian a chak lawm ni awm fahranin hun tawp hma second 10 a tlan kual vel a.

Hei tak hi Uzbekistan mi Ikhtiyor Navruzov chuan referee hnenah  inbei chhunzawm duh lo va, hun khawhral nana tlanchhiatsan angah a puh a, Navruzov hi dan hre tak a nih a rinawm a, quarter-final a khelh tum pawhin official zawng zawng an disqualified vek tawh kha a ni a, Navruzov complaint chu a hlawhtling ta a, 8-5-in a chak zawkah an puang ta si a.

Mongolian coach Byambarenchin Bayaraa chuan a pheikhawk leh a thawmhnaw te hlip-in mat chungah a paih tau va, “Mongolian mipui maktaduai 3-in Bronze medal kan lak lai hi hmuh an chak em em a, kut ruakin kan haw dawn ta, hei hi  kan lungawi lohna lantirna a ni, a ti.

 

Similar Articles

Top