You are here
Home > Asia News > MODI KUM HLUI THUCHAH LANGSAR ZUAL

MODI KUM HLUI THUCHAH LANGSAR ZUAL

MODI KUM HLUI THUCHAH LANGSAR ZUAL

India Prime Minister Narendra Modi chuan nizan khan ram pum huap kum hlui thuchah minute 40 chhung a sawi a, Hindi leh Sapțawngin a sawi a, Sapțawng pawh a lo thiam fu mai a, south Indian IAS ho ai mahin a Sapțawng a pai lo zawk emaw tih tur a ni a, ngaihthlak a hahdam fu. Modi hi thusawi thiam tak a niin lehkhaziak hi a en ve ngai lo a ni. Uttar Pradesh inthlan a hnai bawk a, mi rethei zawkte , lo neitute, hmeichia leh raipuarte leh kum upate tan hamthatna eng emaw zat puangin ruamhmanna eng emaw zat a tlangzarh nghal bawk a ni.

narendra-modi-pti_650x400_61483196731

  1. India chuan sum chheprelh haichhuah beihpui chhinchhiahtlak tak a thlak țan ta.
  2. Hmakhawsang atanga India mite rilrua sual hneh duhna thinlung kha a lo la thamral reng reng lo maia, mipuite hian eirukna sual hi hneh an duh a ni tih an lantir mek a ni.
  3. Diwali zawh hliam atang khan kan ram chuan pawisa chheprelh haichhuahna runpui kan nei ta a, hei hian nakin zela kan ram kalsiam a siam țha dawn a ni.
  4. Vawiina mipui harsatna hmachhawn mek ni nakina kan ram țhatna tur a ni tih hriaa mipui dawhtheihna hi a chhunawmin a entawntlak ta meuh meuh a ni.
  5. Eirukna leh pawisa chheprelh dona tur pawisa tihthih chungchanga mipuite’n min tlawpna hi a ropui ka tiin ka thinlung lawmna hian a kuang a fawn liam a ni.
  6. Pawisa tihthih avanga mi dik leh mi țhate’n buaina leh harsatna an tuar ve lo thei lo hi pawi ka ti tak zet a ni.
  7. Pawisa tihthih atanga ni 50 chhunga mipui te tuarna leh harsatna hi ka hmuin ka hre chiang khawp mai a, amaehrawh eirukna, pawisa chheprelhna leh pawisa lem hian India ram mipui mimir min nghawng vek si avangin thil tih ngei chu a țul ta si a ni.
  8. Bank lam atanga pawisa leng vel pangngai leh thei turin theihpathawp an chhuah mek a ni.
  9. Hetianga beihpui kan thlak hnu hian mi nuai 24 lai chuan cheng nuai 10 chuang an hlawh thu Income Tax-ah an inpuang tawh a ni.
  10. Kum 2017 hian mi rethei zawkte  insakna tur loan nuai 9 hnuai lam late tan a pung 4% rebate leh nuai 12 hnuai lam late tan 3% rebate a awm ang.
  11. Mi rethei zawkte in leh lo zauhna atan loan nuai 2 thleng  a pung pangngai aia 3%  tihhniam a ni ang.
  12. Raipuarte bank account-ah Rs.6000 deposit tur a ni.

modi2_storypti_647_123116062353

  1. Small scale leh medium enterprises te hi hna siamtu pawimawh tak an nih avangin sorkar chuan Credit guarantees vbc 2 thleng a tihpun sak ang.
  2. Kum lam upate tan an pawisa dah nuai 7.5 chin  chu a pung 8% pek an ni ang.
  3. Politician te hi sorkar thau sawktu ni lovin ram hmasawnna atan hna thawktu, thawhho thiam an ni tur a ni.

 

( India ram kalphungah sorkarna siamtute leh an fatu, active party worker te’n  sorkar thau a sawk  reng a, hetianga ram hruaitu berin hma a la ngam ta hi a lawmawm em em a, Hindu kulmuk firfiak pawl ka pawh a la hup bet thei a, a ropui e!)

Similar Articles

Top