You are here
Home > Zoram > MNF IN TOTAL BANDH THLAWP VEK TURIN MIPUITE NGEN

MNF IN TOTAL BANDH THLAWP VEK TURIN MIPUITE NGEN

MNF IN  TOTAL BANDH THLAWP VEK TURIN MIPUITE NGEN

MNF chuan vawin khan Aizawl Press Club-ah Thuthar lakhawm tu te kawmin tunlai Kawngchhia avanga mipuite harsatna chuan sorkar ngeng a chhun zawh loh avanga, Tun kar Ningani a Bandh an neih tur chungchang an sawi.

vlcsnap-2017-09-12-21h54m23s177

MNF Sr.Vice President Pu Tawnluia chuan October ni 13, 2015 khan ‘Kawng siam that phutna kawngzawh’ an lo nei tawh tih sawiin. Kawng siamthatna hun tha tam tak Congress sawrkar hian an nei a, chuti chung pawha mipuite harsatna sutkian an tum si loh avangin hreh tak chungin MNF party-in kawng chhe lutuk avanga harsatna tawk mipui thlavang hauhna TOTAL BANDH hmanga lantir a lo tul ta a ni a ti a.

vlcsnap-2017-09-12-22h10m05s213

Hetianga mipui nunphung ti khaihlaka Total Bandh hial siam a lo tul ta hi a vanduaithlak a, mipuite mangang au thawm hian sorkar hi beng harh se an duh takzet zet a ni a ti . November ni 21, 2014 khan Assembly House-ah Private Member Resolution Dr. K. Beichhua, MLA pawh in kawng chhiat chungchang hi a lo sawi tawh bawk a ni tiin,  Kum 2015 October ni 16 khan Assembly House-ah Pu Vanlalzawma MLA resolution putluh, “Mipuite’n inkalpawhna kawngpui chhia avanga harsatna kan tawh mek sutkian thuai a nih theihna turin chak lehzualin hmalak ni rawh se,” tih chu Sorkar lai Congress MLA rual te’n pass pui duh lovin an lo hnawlsak nawn tawh bawk a ni a ti a.

vlcsnap-2017-09-12-22h09m42s726

He Total Bandh neihni hian Zoram mipui te chu thlawp vek tur a an ngen thu sawiin. Vairengte leh Lengpui Airport-ah pawh duty an dah tur thu a sawiin, Bandh neih ni hian Lengpui Airport Kal tur te chu Zing dar 8 hma a chhuak vek tawh tur in an ti a. He Bandh hian Dan lekkawhtute, Bawnghnute sem te , damlote, innei turte, leh thuthar lakhawmtute chu a huam dawn lo a ni, an ti bawk.

vlcsnap-2017-09-12-21h54m48s893

vlcsnap-2017-09-12-21h54m37s136

vlcsnap-2017-09-12-21h55m03s102

 

Similar Articles

Top