You are here
Home > Zoram > MNF-IN LEI CHIMNAA MAWHPHURTU PWD MINISTER BANG TURIN PHUT

MNF-IN LEI CHIMNAA MAWHPHURTU PWD MINISTER BANG TURIN PHUT

MNF-IN LEI CHIMNAA MAWHPHURTU PWD MINISTER BANG TURIN PHUT

Vawiina MNF party thuneitu sang, National Core Committee țhukhawm chuan  Lei chimnaa mawhphurtu PWD Minister bang turin an phut.

vlcsnap-2018-02-13-21h36m39s817

Vawiina MNF Party office-a MNF President Pu Zoramthanga-hova Core Committee Member-te leh Public Affairs Committee Member-te țhukhawm chuan Tuirini ‘Lei’ PWD-in a dawh mek  nimin a chim chu vanduaithlak a ti takzet a. Thinlung takin nunna hlu tak chan chhungte an tuarpui takzet a, hliam tuar pawh țha chhuak leh thuai turin MNF chuan a duhsak tih an sawi. Mizoram-ah Congress Sorkarna hnuaiah Lei vawi 6 ngawt chimin, nunna chan pawh pathum lai an lo awm tawh a ni, an ti a. PWD Minister hian he Lei chim leh hi ama mawhphurhnaah la ngamin, Minister a nihna atanga bang ngei turin MNF thuneitu sang chuan a phut tlat a ni, an ti.

Meeting hian India ram leh Mizoram politics inlumlet dan uluk taka thlirhona a nei a, State inthlan apiangah Congress Party chu paihthlakin a awm zel a, Mizoram inthlanpui lo awm turah pawh Congress Party hi mipuiten paih thla-in, MNF party kutah Sorkarna an pek ngei an ring niin an sawi bawk.

Courtesy: DDK Aizawl

February ni 13 zing lam dar 9:45 vel khan Sesawng leh Khawruhlian inkara Tuirini lei PWD in an dawh lai mek chu a chim a, mi pakhat, Pu HC Lalfakzuala chu a hmunah thiin, Tv. Laltleipuia Hmar, Sesawng khua vêk chuan hliam na tak a tuar.

vlcsnap-2018-02-13-21h37m42s358
He lei chim ta hi kumin January thla bul lama dawh tan niin thir hmanga dawh a ni a. A hlui thlakna tura ruahman a ni. Lei chim lai hian a Structure tlangpui chu dawh zawh tawh niin mi thenkhat chuan kein an zawh tlang fo tawh a. He lei chim lai pawh hian Pu HC Lalfakzuala leh Tv. Laltleipuiate hian kea zawh kai tumin leiah hian an kal phei a. Vanduaithlak takin lei zatve vel an thlen phei hnu hian thawk leh khatah a chim ta thut mai nia thu dawn a ni.

Lei chim vanga thi hi Pu HC. Lalfakawma, Sesawng khua, thingzaia inhlawh thin a ni

Pu HC Lalfakzuala chu a hmunah thi


Chhiat tawh lai hian PWD CE Pu Lalsawmvela leh SE Pu Bowman leh PWD Officer dangte a hmuna an awm lai tak a ni a, khawtlang hruaitute leh mi tlawmngai ten ruang lak chhuah hna hi an thawk a ni.

HOME MINISTER-IN TUIRINI LEI CHIM CHUNGCHANGAH EMERGENCY MEETING KO

Nimin Sesawng-Khawruhlian kawnga Tuirini lei dawh that mek chim chungchangah Chief Minister charge la mektu Home Minister Pu R.Lalzirliana hovin a pisa-ah Dy. Speaker Pu R.Lalrinawma, PWD Minister Pu Lal Thanzara, Supply Minister Pu John Rotluangliana, Fisheries Minister Pi Vanlalawmpuii Chongthu, Industries Minister Pu H.Rohluna leh Mizoram Law Commission Chairman Pu John Siamkunga ten Emergency Meeting an nei a.

Home Minister Pu R.Lalzirliana chuan Turini lei dawh țhat meka vanduaina thleng chu pawi a tiin hetianga vanduaina a thlen laia mipui rilru ti chiai zawnga thi leh hliam zat thu dik tawk lo social media lamah theh darh a ni chu pawi a ti a. Home Minister hova meeting chuan he vanduaina lo thlen dan chungchanga thil awm dan chiang zawka chhui turin Aizawl Bawrhsap Pi A.Muthamma kaihhruaina hnuaiah Inquiry Committee din turin an rel a. Hemi rual hian Tuirini lei chima boral ta Pu HC Lalfakzuala, Sesawng Venglai chhungte hnenah sorkar danin a phal angin zangnadawmna cheng nuai 4 leh he vanduaina hliam tuar, Laltleipuia, Thingsulthliah damdawi ina enkawl mek chu, a dinhmun azirin tanpuina pek tura tih a ni.

 

 

Similar Articles

Top