You are here
Home > Zoram > MIZORAM SORKAR HNUAIAH MUSTER ROLL TAM HLE

MIZORAM SORKAR HNUAIAH MUSTER ROLL TAM HLE

Mizoram sorkar department hrang hrangah sorkar hna nghet ni lo – contract, muster roll, work charged leh co-terminus 12,994 an awm a. Heng zinga 2,683, zaa 20.65 chu power & electricity department hnuaia thawk an ni.
Salary & employment data 2016-17 atanga a landanin, sorkar hna nghet loa thawk zingah muster roll (MR) an tam ber a, 9,672 an awm. Hna nghet lo thawk zawng zawng zinga zaa 74.43 an tling phak a. MR ngah ber department chu PHE niin, MR 2,572 an nei a. P&E department hnuaiah MR 1,285 an awm.
Hna nghet lo thawk zingah hian group A 304 an awm a, group B – 2476, group C – 4065 leh group D – 6149 an awm a. Regularised loh sorkar hnathawk zingah hian a tam ber chu MR za zela 74.43 an ni a. A dawttu chu contract-a thawk za zela 20.71 an ni. Workcharged zaa 3.83 leh co-terminus za a 1.03 an awm bawk.

Hna nghet lova thawk ngah filawr deptt pathum te chu Power & electricity deptt – 2683, PHE Deptt – 2572 leh School education Deptt – 2070 an ni.
Contract & MR za chin nei hi deptt 23 an awm a, hengah hian nghet lova chhawr ngah zual deuhte chu – Secretariat administration deptt-in 491 an nei a. General administration deptt-in 229, Health and family welfare deppt-in 235, AH&Vety deptt hnuaiah 240 UD&PA deptt-ah (SIPMIU, SEC telin) 396 an awm a ni.

Similar Articles

Top