You are here
Home > Sports > MIZO ȚHALAITE TAN JEJE LALPEKHLU-A THUCHAH

MIZO ȚHALAITE TAN JEJE LALPEKHLU-A THUCHAH

MIZO ȚHALAITE TAN JEJE LALPEKHLU-A THUCHAH

Mizo footballer hlawhtling Jeje Lalpeklula Fanai chu DDK Aizawlin an interview a, tun season liam ta khan cheng nuai 80 aia tlem lo a lakluh thu hreh tak chungin a sawichhuak a, Mizo thalaite tana a thuchah leh a hlawhtlinna chhan a sawite  hi Mizo thlalaite lo chiar atan ka rawn publish  e.

JEJE LALPEKHLUA

Mizo țhalaite hi kan fing tawh a, chhungte thawhchhuah ring hi kan la tam em avangin hetiang kawngah hian nasa takinkan harhchhuah a hunin ka hria a, mahni thawhchhuah hi a ngai ve tawh a ni, tunlaiah chuan. Eng pawh ti dawn ila, kan nih tumah kan chian a, kan nih tum thleng tur khan a karah harsatna a tam thin a ni. Khami kha  beidawng lova kan fight-a kan tuarchhuah kha a ngaiin ka hria a, theihtawp chhuaha kan beih chuan a tawpah hlawhtlinna leh malsawmna a awm thin tih ka chah duh a.

Jeje_2828462b

Tin, zuk leh hluam lamah hian nasa takin kan insum a ngaiin ka hria a ni. Mizoramah Malaria leh natna dang aiin cancer avanga thi hi kan tam ber zelte ka ring tawh mai a. Mizo țhalaite tunlai hian meizial leh kuhva hi  inkawm nan te kan hmang a, tih vek turah kan ngai tawh. Hetiang lamah hian nasa takin kan harhchhuah a ngai tawhin ka hria a, Nu leh pate chu  lo dah țha ta ila, hetiang kawnga Mizoram siamțha theitute chu țhalaite chiah hi kan ni a. Chuvang chuan țhalaite hian hma la ila, keimahniin bul kan țan chuan kan naute leh țhangthar lo kal turte khan min rawn entawn leh vek mai dawn a. Chuvangin Mizo țhalaite hian zuk leh hmuam leh ruihtheihthilah hian nasa takin i insum ang u tih hi ka chah duh bawk a ni.

Jeje-Lalpekhlua

KA HLAWHTLINNA CHU KA THAWHRIMNA HI A NI

Ka hlawhtlinna chu ka thawhrimna hi a ni. Thawrimna hi keimahah chuan a pawimawh a ni. Tunah ka țhiante, ka inkhelhpuite leh ka inkhel min hmutute leh min hrechiangtu an tam lutuk a, inkhel thiam tiin min sawi ngai  reng reng lo. Tun dinhmun kha thlen theih chhan chu ka thawhrim vang a ni mai a. Tin, naupang zawk la khel turte leh kan thil tihna kawng hrang hrangah kan thawhrima Pathian hriatna nen tih tak taka kan tih chuan a tawpah chuan hlawhtlinna a awm a. Kei chuan engmah skill leh thiamna ka nei lo va, tun dinhmun ka thlen theih chuan mi dangho thiam tak takte hi ka thawhrim leh ka beih nasat ang hian ti ve sela, kei aia sang vek thleng tur hi an ni.

Jeje-Lalpekhlua-02

jeje-lalpekhlua-mohun-bagan-shillong-lajong-i-league_19s4s95tols4x1phkwr1e1setu

Similar Articles

Top