You are here
Home > Sports > MICHAEL PHELPS CHAKNA THURUK

MICHAEL PHELPS CHAKNA THURUK

MICHAEL PHELPS CHAKNA THURUK

America ram mi tui hleuh chak chungchuang Michael Phelps chuan Olympic gold medal 23 lai a awrh ta a, Olympic  medal a lak  zat chu 28 a ni a, tun țum Rio Olympics 2016 hian amah chauh leh a teamte nen gold medal 5 a la a ni.

_90784123_phelps.jpg

“Ka hun hnuhnung lam ka hmang tan ta a, bus atanga kan han chhuk a, intihsiakna hmuna ka han kal chu ka hnuk a ulh lo chauh a ni. Hei hi ka warm up hnuhnung ber tur leh Olympic entu mipui hmaa intihsiak tura ka inlan hnuhnung ber , ka ram ai ka awhna tawpna tur a ni a, a lungchhiatthlak ang reng hle a, ka naupan lai atanga ka lo beisei ram ka thleng thei hi ka lawm a, khawvel tui hleuh intihsiak tidanglamtu ka ni thei hi ka lawm em em a ni,” Phelps chuan a ti a ni.

Phelps (second left) celebrates victory with his team-mates
Phelps (second left) celebrates victory with his team-mates

Michael Phelps hi a tumruhna leh a taihmakna bakah a pianphung hi a dangdai hrim hrim a, chu chu a chakna thuruk pakhat a ni bawk a ni.

  1. A san zawng hi ft 6 leh in 4 a ni a, a kawnga chin chung lam hi a sei zawk a, a kawnga chin hnuai lam hi a tawi zawk.
  2. A hlam hi mi naran aiin a thui daih a, a san zawng aia thui a hlam pha a, ft 6 leh inches 7 a hlam pha daih a, a ban seina hian tui hleuh a tichak ta a ni.
  3. A kiu, a khup leh a awm ruh chuktuah joint hi a sei bik a, tui hleuh a chak phah bawk a ni.
  4. Michael Phelps taksa hian an intihsiak laiin a khingpute aiin lactic acid a tichhuak tlem a, hei vang hian rei lo te-ah a hah dam leh thuai thuai thei bik .
  5. A kheimit ruh chuktuah a sei bik a, hei vang hian a ke hi midang aiin 15 degree-in a flexible thei bik a,  hei hian tui hleuh a tichak bik a ni.
Michael Phelps' baby son Boomer struggled to stay awake during his father's swansong in the Olympics
Michael Phelps’ baby son Boomer struggled to stay awake during his father’s swansong in the Olympics

Similar Articles

Top