You are here
Home > World News > MI ‘FING’ LO TRUMP LEH MI ‘CHAK’ LO CLINTON – vice-presidential debate

MI ‘FING’ LO TRUMP LEH MI ‘CHAK’ LO CLINTON – vice-presidential debate

Democratic Virginia Senator Tim Kaine leh  Republican Indiana Governor Mike Pence te’n tukin khan Virginia-ah US vice-presidential debate an nei a, Donald Trump chu fing var vak lo leh Hillary Clinton chu chak lo leh fimkhur tawk lo lutuk tak angin an chhuah an ni deuh ber mai.

An inchapcharnaa moderator hi CBS News Elaine Quijano a ni a, Asian American zinga America ram national debate moderator hmasa ber a ni a, a thleng sang hle a ni.

He mite pahnih hian an pu leh an pi te thlavang an hauh na ve ve hle a, Governor Mike Pence phei chuan a pu Donald Trump kih hnawk a thian fai a ni deuh ber mai. Mike Pence chuan Donald Trump-a’n kum 18 lai chhiah a lo pe reng reng lo kha a fin (smart) vang a ni a ti a, Senator Tim Kaine chuan, “Chuti anih chuan America rama chhiah petu zawng zawng hi mi ă vek kan lo ni tihna a ni maw!” tiin a chhang a ni.

Mr Kaine chuan Republican President Ronald Reagan thusawi sawi chhuakin mi fing lo kutah nuclear ralthuama hi a awm palh chuan chhiatna rapthlak a thleng thei a tih ang khan Mr Trump te ang ai pui leh ai te nei kutah nuclear ralthuam hman theihna thuneihna an neih chuan kan hma lam hunah hian thil rapthlak tawp khawk kan hmachhawn lo vang tih sawi theih a ni lo, a ti a, Mr Putin te,  North Korean leader Kim Jong-un te leh  Libyan dictator hlui Muammar Gaddafi te a fak chiam a, leader leh dictator pawh Donald Trump hian a thliar hrang thiam lo a ni a, lehkha zir tha leh se, fifth-grade civics class zir leh tlak a ni,a ti bawk.

 

  • Kaine chuan Donald Trump-a’n hmusit taka zak ngawih ngawiha a lo siam hmeichhiate leh sipai bangte hming a sawi chhuak a.
  • Mr Pence chuan Donald Trump aiin Mrs Clinton hian American mipuite hi a hmusit zawk fe a ni, a ti.
  • Mr Kaine chuan America ram police te leh mi hang ho inkar boruak tha siam turin khawtlang mawhphurhna Community policing a pawimawh hle niin a sawi a.
  • Mr Pence chuan Mrs Clinton hi police te mi hang haw bika puhtu a ni a, police te rilru a tikhawlo zo vek a ni a ti.
  • Mr Kaine chuan Donald Trump hi presidentah han tlingin sipai hotu ber han ni ta se tih ka ngaihtuah chang hian ka hmul thi hi a ding sung sung a, ka țim uai uai a, Donald Trump hi commander in chief a ni palh ang tih hi thih hlauhvin ka hlau a ni, a ti.
  • Indiana governor Mr Pence chuan Donald Trump a tlin chuan chhiah a titlem ang a, Social Security leh Medicare atan sum a hmang tam thung dawn a ni, a ti.

Similar Articles

Top