You are here
Home > Sports > MESSI JAIL BANG ZUT DAWN TA NGE NGE?

MESSI JAIL BANG ZUT DAWN TA NGE NGE?

Argentina and Barcelona footballer Lionel Messi chu chhiah awl ruk thubuaiah thla 21 jail bang zut turin a chung thu Spanish court chuan a rel ta.

Messi pa, Jorge Messi pawh  kum 2007-2009 inkara chhiah €4.1m (£3.5m; $4.5m) awl ruk avangin jail bang a zut tura a chungthu rel a ni bawk.

Messi image rights atanga an sum lakluh thup nan Belize leh  Uruguay ram kaltlanga sum an chalai avang pawhin sum tam tak chawitir an ni dawn bawk a ni.

Messi te pafa hi vawiina Barcelona court chuan chhiah awlruk chungchang thubuaiah thiam loh a chantir ve ve a,  Messi hi €2m lei chawitir a niin a pa Jorge Messi hi €1.5m chawitir a ni thung.

Spain ram danah jail tang tura an tih hi kum hnih aia rei lo a nih chuan jail bang zut kher lovin India rama Bail kan han tih ang deuh, under probation-in an awmtir thei a, chuvangin Messi te pafa hi a thu chuan jail bang zut tur, jail term  anga hrem ni mahse jail bang an zut tak tak lo mai thei a ni.

Similar Articles

Top