You are here
Home > Zoram > MBBS LEH BDS CHUNGCHANG SORKAR THUCHHUAK

MBBS LEH BDS CHUNGCHANG SORKAR THUCHHUAK

MBBS LEH BDS CHUNGCHANG SORKAR THUCHHUAK

Mizoram Quota-a MBBS & BDS zir tur Higher & Technical Education Department-in counseling a lo neih tawh Admission hmanhmawh ngaite ch a  hnuaia Medical college-ah te hian kal nghal tur tih an ni ;- RIMS-seat 7, NEIHGRIMS –seat 3, Dibrugarg –seat 1. Hemi bak a dang zawng chu seat allotment dawn hunah counseling neih ţhat leh tur a nih thu Pu Benjamina, Commissioner & Secretary, Higher & Technical Education Department chuan thuchhuah a siam.

20217025_1428132240575952_1682666062_n

Mizoram State Quota a MBBS leh BDS zir tur chungchangah Chakma zirlai te counselling nei tur chu vawiin khan MZP ten dangin Police-te nen an innawr buai.

Tukin zing khan heng Chakma zirlai te hi Police te venhimna hnuai ah Higher & Technical office hruaithlen niin hetah hian MZP ten an lo dang a, Chakma zirlai te hi hruailuh an ni ta tho a ni.

Hetiang thil a thlen hnu hian MZP te chuan zirlai te kohkhawm belhin Higher & technical office an pan khawm a, buaina lianzawk a chhuah palh hlauh vangin Transport department office bulah Police te hian zirlai te hi dangin an innawr buai zui a. Police ten zirlai te an vuak avang leh zirlai te hian lung a an vawm avangin police leh zirlai zingah hliam te nau tuar engmawzat an awm a ni.

Hemi hnu hian MZP hruaitu te leh higher & Technical department thuneitu te chu inbiakna neiin, MZP thil phut Chakma zirlai te la lo tura an ngenna chu department hotu ten lam ten an thuneihna piah lam anih avangin an sut theihloh thu an sawi a ni.

Thilthleng avang hian MZP chuan thuchhuah siam nghalin Chakma-te Mizoram leilung fa a chhiar tumna dodaltu Mizo zirlaite chu Mizoram sorkarin July ni 20 khan tharum hmangin a bei tih an sawi a, tiang leh tear gas te hial hman niin, Mizo zirlaite hi an lu-ah te vuak an nih bakah , zirlaite tlu tawh pawh beihzui zel an ni a, thisen a chhuah bakah hmeichhiate pawhin hliam an tuar thu an sawi a ni.

20217025_1428132240575952_1682666062_n (1)

Mizoram quota-a MBBS leh BDS zir tur thlanna atana dan hman The Mizoram Selection of Candidates for Higher Technical Courses Rules-ah chuan zirlaite hi category pathumah then an ni a, ram leilung fate awmna tur Category-I-ah ram leilung fa ni lo dah an ni hi MZP chuan Mizo hnam tan him lo a tih avangin, Category-I-ah hian ram leilung fate chauh dah tura phut tu zirlaite’n kut an tuar chu pawi antih thu an thuchhuah ah hian an tarlang a ni.

Category-I ah Chakma dah lo tura sorkar kar nan MZP chuan July ni 21 zing dar 6 atangin Mizoram hmun hrang hrangah tiam chin awm lovin bandh a huaihawt dawn a, Bandh hian chanchinbumite, bawnghnute sem te, chanchinbu sem te, dan leh thupek kengkawhtu te leh medical duty te a huam dawn loh thu an sawi bawk.

Sawrkar chuan Total Bandh chungchangah thuchhuah siamin , sawrkar hnathawk zawng zawng te chuan bandh hi zawm lo va, office kal vek turin a hriattir a ni.

Hemi chungchangah hian Central YMA chuan thuchhuah siamin Chakma te Category -I a dah an ni chu Mizofate chanvo chhuhsaknaah an ngaih thu an sawi.

CYMA chuan MZP hmalakna ngaichang lova, Sawrkar in hma laktlang a tum hi pawi an tih thu an sawi a, hnamdangin Mizofate chanvo dik tak an chuhpui theih loh nana a tul anga ngaihtuahna seng nawn leh turin sawrkar an ngen bawk.

Total Bandh hi Mizoram pum huap a nih angin Mamit, Saitual leh Thenzawl MZP Sub Hqrs te chuan an thlawp thu an puang nghal bawk.

 

Similar Articles

Top