You are here
Home > CCT Robawm > MARY WINCHESTER ZOLUTI CHANCHIN: Episode 9 – Familia Fanai Lalţansanga

MARY WINCHESTER ZOLUTI CHANCHIN: Episode 9 – Familia Fanai Lalţansanga

MARY WINCHESTER ZOLUTI CHANCHIN: Episode 9 – Familia Fanai Lalţansanga

ZOLUTI AN HRUAI HAW DAN

Rothangpuia chu Sailamah a châm a, Frontier Police Inspector Mohamad Azim leh a ţhuihruaite chuan Zoluti chu tluang takin Tlabung a thlenpui a. An thangbo chhung zawng chuan sipaite chuan Savunga khua Buarpui-ah an lo nghak reng a.

cct logo ori - Copy (2)

          Tichuan Mahammed Azim chuan Zoluti chu Tlabungah a hruai thleng a, 4th Gurkha hotu Colonel Tyler hnenah a thlen ta a. Tyler hian Rothangpuia khua Lungno-ah Zoluti chu Rothangpuia nupui enkawl turin a dah ta a. Zoluti an lakchhuah thu chu Chittagong-ah thirhruiin an zuk hriattir a, Chittagong Commissioner thu an nghah chhung kar khat lai chu Rothangpuia Inah a nupuiin a lo enkawl a ni.

cct logo ori - Copy copy

          Chittagong Commissioner thu an hmuh hnu chuan Colonel Tyler chuan Zoluti lam turin sipai officer pakhat a tir a. Zoluti chu kawr pawh ha lovin, a kâwngah puan dumpawl chauh hrengin a va hmu a. Rothangpuia In luhkapui sei takah chuan vaibel zuin a lo ţhu a, Mizo mipa naupangte’n an lo kil tiau a. Mizo sipai hotu lal ber angin mipa naupangte zingah Sap-ho do dan tur a lo rel zat zat a ni.

WinchesterMary2a600

           Zoluti chu Tlabung an thlenpui hnu-in Colonel Tyler chuan Tlabung atangin lawngin Chittagong thleng a zuk hruai a, Chittagong aţang chuan mei lawngin Calcutta-ah an thawn ta a ni. Calcutta-ah chuan Zoluti pi leh pute ţhian R.S Duncan, Phoenix Flour Mills neitu chu Zoluti lo hmuak tura an ngen angin a lo hmuak ngei a, Sap rama thawn dan tur pawh lo ngaihtuahsak vekin a senso zawng zawng pawh a tumsak vek phawt a, Zoluti chu meilawng lian, City of Cambridge-ah chuantirin March ni 4, 1872 khan London an panpui ta a ni.

BookReaderImages.php

          Pu Duncan-a hian lawnga Zoluti lo ngaihsaka enkawl turin lawng Captain nupui Pritchard chu Rs. 100 pe-in a ngen a, thla hnih an thang hnu April thla tawp-ah tluang takin London an thleng ta a, London lawngchawlhna hmunah hian Zoluti hi a pami-in lo hmuakin a pi leh pute chenna Elgin khuaah tluang takin a hruai thleng ta a ni.

          Sap ram a thlen hnu hian Zoluti chu Mizovin sala an man dan leh a khawsak zui dante an zawt ţhin a, engtin vakmah a chh^ng duh lem lo va. Mizo chanchin pawh a sawi duh lo va. A sam chu mipa naupang lumeh angin chhing tak leh kâwng takin an tansak a, a sam buang chu Mizote’n kawlţhat an duh a ni.

            Sap ram a thlen hnu thla 6 chhung chu Mizo naupang a ţhian hluite ngaiin lungleng reng rengin a hun a hmang a ni awm e. Sailama a sal tan chhung kha 1871 kum January ni 23 aţangin 1872  kum January ni 21 inkar a ni a, kum khat ang thawthâng a ni mai e.

Similar Articles

Top