You are here
Home > Zoram > MAHCO GENERAL ASSEMBLY HMANG

MAHCO GENERAL ASSEMBLY HMANG

Vawiin khan Mizoram Apex Handloom & Handicrafts Cooperative Society (MAHCO) Annual General Assembly chu I&PR Auditorium-ah neih a ni a, Pu Sangdingliana, IAS, Registrar of Cooperative Societies bakah State Level Cooperative Federation Chairman 5 laiin an hmanpui.

He General Assembly hawnna inkhawm MAHCO Chairman Pu Zohmangaiha, IRS(Rtd) kaihhruaiah Registrar Pu Saidingliana chuan kum 2014-15 chhung khan MAHCO-in cheng nuai 1.49 a hlep laiin kum 2015-16 chhungin cheng nuai 28.35 lai an hlep thei chu a fakawm hle a; chu bakah Treasury Square-a Hotel Rajj building chhawng 11 chu MAHCO-in an lo neih theih danah MAHCO hotute leh APEX Bank Chairman Pi T.Lalmuanpuii te hmalakna chungah lawmthu a sawi a. Handloom chauh ni lovin Handicrafts lamah pawh hma la zel tura a duh thu leh Mizo themthiamthil dehchhuah chi hrang hrag uar zel turin a hrilh bawk.

MAHCO Managing Director Pu Lalrinsangan Annual Report for 2015-16-a a tarlan danah chuan MAHCO hnuaiah Handloom Cooperative Society 83 an awm mek a, MAHCO hnuaia thawk staff zawng zawngte chu 14 an ni a. Central sorkar atangin Block Level Handloom Cluster atan fund dil a ni a, hemi hmang hian ni 2.5.2015 khan Handloom Training Centre hawn niin Industries Department kaltlangin Master Trainer 1, Cluster Development Executive 1 bakah Textile Desiner-cum-Marketing Executive 1 lak an ni a; tunah hian mi 20 laiin puan ban leh a thlan an training mek a ni. Kum kalta chhung khan MAHCO chuan District hrang hrangah Handloom Exhibition vawi 7 a huaihawt bakah Mizoram pum huapin Special Handloom Expo pawh hlawhtling takin a buatsaih a ni.

Similar Articles

Top