You are here
Home > World News > MACAU

MACAU

MACAU

Aizawl Traffic police te hi mi man tur mena an men reng avang leh asn kawlh tak viau avang te leh an hotute lehkhathiam inti site hian Dan Sakei an siam tak avangin  hian keini thingtlangpa tan phei chuan mahni lirthei pawh Aizawl khawpuiah kan khalhlut ngam ţha ta lo achha chu a ni ta hrim mai a. Chu chu an duhthusam, Dan Sakei an siamchhan pawh nia ka hriat bawk avangin Kan veng Krismas ruai ţheh zawh tuk, ka fatu ve tukah  Aizawl kal turin Sumo savawmbawm-ah hian ka inthiat ve ta poh va.

IMG_20171227_103307

Keini ang pa lian tan chuan Sumo seat hnung bera mi 4 han inhnawh chu rapthlak tak a ni a. Chu lam chu sawi ka tum a ni lo va. Ka chhuanpui nula 2 te titi-ah chuan Macau tih leh Singapore tih an sawi zing malh malh ta hle mai a, Macau-ah emaw, Singapore-ah emaw mi awmpuiin an han awm tawh ka chiang a, an chanchin ka zawt ta a.

450px-Flag_of_Macau.svg

Nula pakhat zawk chu Lunglei Electric venga awm a lo ni a, a pa chu Pu Ngursailova Zahau a ni a. Hetiang deuh hming hi Chawngte-a ka duty-naah ka hmu tawh a, Lalsailova Chawngthu tih ni tlatin ka hria a, kan veng kohhran upa min pawh Upa F. Chawngngaihranga a ni ve tlat mai a ni, tlat mai a!

1870 Macao
1870 Macao

Nula pakhat zawk chu Champhai electric venga mi niin an nute hi unau an ni a, first cousin an nih chu. He nula pahnih hi an zia a inang lo khawp mai a, pakhat chu pa tak a nih laiin pakhat chu nu hniphnep tak, tanpui ngai reng chi a ni thung a.

1024px-Mar_Oriental_de_China_entra_Taipa_y_la_Península_de_Macao,_Macao,_2013-08-08,_DD_01

Macau leh Singapore-a an awm laia an lungleng an ţah zinzia leh bathroom leh lift hi an ţahna hmun a nih thute an sawi a.

1024px-Vista_de_los_casinos_desde_el_Centro_de_Ciencia,_Macao,_2013-08-08,_DD_01

Mizoramah lehkhathiam tan pawh lehkhathiam lo tan pawh hna (job) hi a awm lo hrim hrim ang a ni a, Minister leh politician hmelhriatte zara eng Department ber-ah emaw Master Roll-a an thun laklawh tawhte hi pension hun a awm ve tawh lo reng reng mai a, an kal theih ţek ţek chhung hi chu hlawh hi an la an la ve ringawt  mai a, an hna tur tak tak pawhin phuahchawp sen zawhzai chi pawh a ni lo va, kan inkhualtelem chu a ni ber e!

Aerial_view_of_Macau_at_night

Hetiang MR pitar putar ho-hi kohhran thila biak in lamtuala lam peih tak tak an ni leh nghal a, mahni eizawnna hna engto hauh si lova, thlarau chang sang inti, lusun chhungte  ina thusawi huai tak tak an ni hlawm a, sorkar-ah Medical Reimbursement dil thei an ni lo tih inhre reng chungin An Department an thawhpuite hming hawhin an bill hram hram duh zel a, an intih- thlarau-mi-na a bo chuang lo vah an ngai a ni.

1032chindwin_orig

MR hi ka ngainep a ni lo va, P & E Department-ah phei hi chuan current hian MR-ho hi a man hlum zing malh malh khawp mai a, kan veng, Lunglei Zotlanga P & E Department MR te hi mi chhuanawm tak tak an ni hlawm a, ka chhuang hle hlawm a ni. MR mahni hna thawk tha peih lo thlarau lam thu sawi vak vakho hi ka ei thlawt lo a ni. MR Pension hun tur kum biktuk a awm lo! Mizoram sorkar deldulzia hi a rapthlak a ni. Mizoramah sorkar hnathawk 80% ban vek ila, Mizoram hi a kal pangngaiin a la kal reng thei!

http_cdn.cnn.comcnnnextdamassets171122181050-macao-casinos-mgm-grande-praa-night-shot-atrium-02

Tichuan, Mizo ţhalai lehkha thiam lo,  ruling party Congress ni bawk lo tan phei chuan Zoramah hian khua a var thlawt lo va, thingpui dawra thawh lah kamding mi chhe te te chhawnchhaih leh bawlzana awmna a niin mihring zahawmna a bo vek a, mahni zahawmna humhim thei khawp hna thawhna tur a awm ta lo va. Singapore leh Macau-ah te kan fanu te an han inhlawh ta mai mai a, an khua a har a, mahni ram leh hnam an ngai vawng vawng a, Juda mite’n Babulon luikama Jeruselem ngaia an ţap vawng vawng ang khan Mizorama kan Mizo lanu valrualte hi an ţap rawng rawng asin le!

http_cdn.cnn.comcnnnextdamassets171122180943-macao-casinos-mgm-cotai-01

Hengho tana mahni nu leh pa kar ngeia an hnathawh tur siamsiak hi ka hmathlir hmasa ber tur a ni dawn lo em ni?

http_cdn.cnn.comcnnnextdamassets171122180841-macao-casinos-grand-lisboa-first-floor---gaming-area-1

Amah Pastor Zairema (L)-in a lo sawi kha a lo awi ngai mang lo va, MA ( English) hna dil ka interview-naah Bernard Shaw lehkhabu ziakte han sawi teh tih zawhna chhang thei an awm mang lo a tih ka hrechhuak rum rum a, Higher Secondary School zirtirtu tur mi eng emaw zat ka interview ve tawh a, MZU leh Madras University atanga first class degree certificate neite an subject pawh hre mumal lo an lo awm ţeuh thei tih ka hmuchhuak a, mak ka tiin min rap a, ka hmul-thi hi a ding ur ur thei nia.

http_cdn.cnn.comcnnnextdamassets171122180806-macao-casinos-grand-lisboa-night-shot

Chutiang ngaihtuah reng renga kan kal hnu chuan tluang takin Aizawl ka thleng ta a, kan nula pahnihte chuan ka bag –te min khaipui a, Electric veng Power Houser Opposite-a ka thlen in thleng min thlah hnu chuan Champhai an kalna tur Sumo te ka ngaituahpui a, an chhuah dawn zan dar 6 velah pawh ka va ngaihven leh a, tluang takin Champhai an thlen ka beisei a ni.

http_cdn.cnn.comcnnnextdamassets161129112703-gettyimages-604229978

Singapore leh Macau-a maid-a kal tur an ruahman dan hi human trafficking tenau chu a ni hrimin ka hria a,  kum 2 chhung an hnathawh turah an thla 7 hlawh an cut-sak tawp a ni a, social security engmah an pe si lo va, vanduai thilah zan khat mitchhin pawh lo tawk se, an ruang chu Chinese dan anga halral kha a ni mai a, hetiang human trafficking tihreh dan hi a awm mial lawm ni aw tihte ka ngaihtuah ta rauh ruah va. Chuvangin Mizoramah hian lehkha thiam leh lehkha thiamlote tan pawh an eizawnna tur hna zahawm kan ngaituahsak hi a hun tawh tak zet zet a ni. National Human Resource Development Department-in MA, BA atanga an thawhtur awm si lo va, kumtin cheng vaibelchhe nuai 1800 lai a seng kumtin hian awmzia a nei tawh lo va. Skill Development Department hian lo lian zel se, khawvel ram hrang hranga kan India ţhalai lehkha thiamte an hnimphum zung zung theihna tur hian Human Development Department sum pawh hi lakheksak tawh mai rawh se, ka ti a ni.

http_cdn.cnn.comcnnnextdamassets150714104315-wynn-palace-macau

 

MACAU

 http_cdn.cnn.comcnnnextdamassets150608143755-wynn-palace

Macau hi  a hming dik tak tak chu Macao Special Administrative Region of the People’s Republic of China a ni a, Hong Kong atanga km 64- vela hlaa awm niin mi 650,900 an awm a, a khaw zau zawng hi 30.5 km2 (11.8 sq mi) niin khawvel pum huapa mihring bitna ber, km khat bial chhung a mihring  21,411 awmna khua a ni a, tun hma khan Portuguese colony a ni thin a, kum 1999 December ni 20 khan Portugal chuan Macau hi Chinese sorkar thuneitute kutah a hlan fel ta a, China ram bung khat, thuneihna hran nei khua a lo ni ta a ni.

http_cdn.cnn.comcnnnextdamassets131129161230-venetian-gambling-floor

An ram GDP (PPP) hi a sang namen lo va, GDP (PPP) 2013 estimate hi Total $80.765 billion niin Per Capita hi $ 142,599 a ni a, GDP (Nominal) 2013 estimate hi Total $ 51.5473 billion niin Per capita hi $ 91,376 a ni.

Mizo ţhalai, nu leh pa bula awm rualte hi ram danga inhlawh ngai lo hian Mizoram NEDP hnuaiah hian ţhalai lehkhathiam lo te tan pawh an thawhawm hna siamsak rawh se. Chutiang tur chuan Mizoram sorkar hian a ngaihna hriate hi incentive pe-in ngaihven se, kar lovah Mizoram chi ka intodelh mai ang.

1024px-Vistas_de_Macao,_2013-08-08,_DD_02

1024px-Vista_de_los_casinos_desde_el_Centro_de_Ciencia,_Macao,_2013-08-08,_DD_01

Kum 1997 atang khan Mizoram chhim lamah ar vulh bul kan ţan a, arpuahsa, ar note, an chaw leh ran damdawi  kan zuar bawk a, SBI Lunglei branch-in min tanpui a, Agriculture Department, Vetty Department, Horticulture Department ten min tanpui bawk a,  AIR kaltlangin mahni sum sengin mipui hriatthiam theih zawng turin Awareness campaign nasa takin kan nei a, kar lovah ar vulh hlawkzia hraiin Mizoram pumah an intihhmuh a, veng thenkhatah kohhran nen tangrualin  chhungkaw harsa te tan kohhran loan leh subsidy pe-in arvulh dan kan zirtir bawk a, tunah chuan Lawngtlai, Siaha leh Vaseikai thlengin arpuahsa lei tur a lo awm ta mai a ni.

567px-Macau_SAR_Regional_Emblem.svg

Mizoram a kan sorkar hnathawh dan;-  thawh loh hlawh lak hi emaw malsawmna kan tih ngaihdan bansana a tak taka hna kan thawh hian LALPA malsawmna dik, hriselna tel damreina hi kan nei dawn tih hriain dawt bill siam leh thawh loh hlawh lak hi I bansan ngam ang u.

Similar Articles

Top