You are here
Home > Zoram > LUNGLEI DC LEH MZP INDAWR

LUNGLEI DC LEH MZP INDAWR

LUNGLEI DC LEH MZP INDAWR

Vawiin chawhnu khan Lunglei DC Pi Lalzarmawii, IAS office chamber-ah Lunglei Civil Hospital atanga doctor pathum sawn chhuah avanga MZP Sub-headquarters, Lunglei ten kawng an danchah chungchangah disrict hotute leh Mizo Zirlai Pawl (MZP) aiawh te an in dawr.

img_5813_1479470025

Pi Lalzarmawii chuan sawrkar kalphung kan hriat theuh angin rang takin mihring insawn zung zung a rem lo a, sawrkarin theihtawpin hma a la mek zel a ni, a ti a. Mipuite a tuartu zawk an nih thin avangin MZP ten highway an danchah chu titawp thuai turin a ngen a ni. Tun dinhmunah Lunglei Civil Hospital-ah doctor pakhat chauh dah tura hriattirna (notification) tih chhuah ni mahse, tawk lo chunga a tawk e kan tih thiam a ngai tiin, doctor dang dah belh turin sawrkarin hma a la mek a ni tih an hriatpui a duh thu a sawi a ni.

img_5817_1479470023

MZP aiawha lokal te pawhin sawrkarin an ngenna te ngai pawimawh a, Lunglei Civil Hospital-a doctor pakhat dah a nih tur thu chu lawmawm an ti a. Doctor pathum dah turin ngen mahse, an dinhmun an sawhsawn thu sawiin doctor dang pakhat tal dah belh theih nise an ti a ni.

img_5819_1479470027

Vawiina Lunglei Civil Hospital-a doctor pakhat dah tura hriattirna a chhuah bakah hian December thla tir lamah doctor dang pakhat dah belh tum a ni tih tarlan a ni a. MZP ten kawng danchah tihtawp an tum em tih erawh tun thleng hian hriat theih a la ni lo a ni.

img_5821_1479470029

WRITTEN BY VANLALMUANA, MIS,DIPRO LUNGLEI

DATED: 18TH NOVEMBER 2016, 5:22 PM | LANGUAGE: MIZO

Similar Articles

Top