You are here
Home > Zoram > LUNGLEI DC HOVIN SAIKUTI HALL THUAMŢHAT TUR A HMUNAH ENFIAH

LUNGLEI DC HOVIN SAIKUTI HALL THUAMŢHAT TUR A HMUNAH ENFIAH

LUNGLEI DC HOVIN SAIKUTI HALL THUAMŢHAT TUR A HMUNAH ENFIAH

Vawiin chawhma khan Lunglei DC Pi Lalzarmawii, IAS chuan Saikuti Hall, Venglai a tlawh a, building chei thar leh thuamthat hna kalpui dan turte a en. Lunglei DC hi Additional DC Pu Benjamin Lalzama, SDO(S) Pu H. Lalrinpuia, DIPRO Pi C.Lalremruati, Lunglei MJA President Pu Lianchama Chhangte leh Pu Ngurthansanga Sailo, Finance Secretary, YMA Sub-Hqrs, Lunglei ten an tawiawm a. Building chhung, pawn lam leh a chheh vel te chu chipchiar taka fangin hmalak tul an tih hrang hrang te an sawiho.

lli_1508838550

Sawrkarin Saikuti Hall hi nasa taka thuam that a tum a, sum pawh pawm (approve) tawh niin tun dinhmunah Finance Department atangin Expenditure sanction nghah mek a ni a, thuamthat hna hi kalpui thuai turin ruahmanna siam a ni. Saikuti Hall thuamthatna tura sum pawm tawh hi a zavaiin Rs. 1,18,15,000/- niin inchung siam that leh RCC Roof Treatment te; lirthei hunna leh kawtzawl thawmthat hna te; Steel gate, kawngka, tukverh leh rolling shutter siam that te; Inchhung soundproof – Fibre Board Lining hna te; Pawn lam leh inchhung Rawng hnawih hna te; Auditorium thuthleng siamthat leh carpet thar phah  bakah Electrification thar leh Sound system tha zawka thawm that hna te thawh tum a ni.

lli2_1508838561

Saikuti Hall building chhungah hian Art And Culture Department hnuaia  District Library leh Musuem bakah  Indoor Shooting Range leh Lunglei District Snooker and Billiards Association Room a awm bawk a ni.  

lli3_1508838568

WRITTEN BY C.LALREMRUATI, MIS, DIPRO LUNGLEI

DATED: 24TH OCTOBER 2017, 3:19 PM | LANGUAGE: MIZO

 

Similar Articles

Top