You are here
Home > World News > LU TAN BUN CHING ISIS KHAWPUI RAQQA A TLAWM TA – BBC

LU TAN BUN CHING ISIS KHAWPUI RAQQA A TLAWM TA – BBC

LU TAN BUN CHING ISIS KHAWPUI RAQQA A TLAWM TA – BBC

Islamic State  tia inchhal Islam sakhaw la firfiak pawl hmunpui Syria rama Raqqa khawpui chu a tlawm ta a, America leh a sangawi zawnpuite tanpui Syrian Democratic Forces (SDF) thupuangtu Talal Sello chuan vawiin khan Raqqa khaw pum pui hi an la fel ta tih a puang a, US sipai hotute chuan 90% chu an la fel ta tih kan chiang e, an ti thung a ni.

file-photo-1508252332-3671

Islam sakhaw la firfiak pawlte chuan Raqqa hi an Islam lalram caliphate-ah an puang a, Islamic State puithiam Abu Bakr al-Baghdadi sawmna angin khawvel hmun hrang hranga an thuthlung pawm Jihadist-te chuan Raqqa-ah hian rawn fuankhawmin an sakhaw lak ulh dan angin ro an rel a, an hmelmate lu an tanbunsak a, cross-ah an kengbet thul a, an thuthlung pawm lote chu a rikrapin an sawisa nasa hle thin a ni.

_98347870_8d46abb6-75ab-496a-a56a-bd22df507999

Kum 2014 June thla ni 10 atang khan he khawpui, mihring mtd 2 lai awmna hi Islam firfiak pawl, Islamic State in Iraq and al-Sham/the Levant (Isis or Isil) intite’n an la a, kum 3 hnu-ah America thlawp Syrian Democratic Forces (SDF) chuan an la leh thei ta hram a, mi tam takin nunna hlu tak an chan a, chhungkaw tam takin an in leh lo chhuahsanin an raltlan a, an khawpui chu khaw râm a ni ta ringawt mai a ni.  

wo02-web-syria-raqqa

Syrian Democratic Forces (SDF) hi Syria sorkar laka hel pawl an ni a, Syria sorkar hi Russia leh Iran-in an thlawpin an thlavang an hauh si a, thunawi neuh neuh chu a la tam dawn chauh a ni.

_98357337_syria

Iraq ramah pawh Irag sipai sorkar chuan Islamic State firfiak pawl inkhuarna khuate an la zel a, Kurdish-hovin an rama an hauh, tui-alh-thei tam em em na Kirkuk khua pawh Iraq sipaite hian an la ta a, Kurdish-ho an hnungtawlhin an insaseng ta thung a ni.

_98346849_afghanattack

Hetih lai hian Afghanistan ram khawchhak lam Gardez khuaa police training centre chu Taliban firfiak pawlinthihchilh bomb leh silai nen an luhchhuah a, mi 41 an thi a, civil mi 110 in hliam antuar a, police 48 laiin hliam an tuar bawk. Thi 41 zinga a tam zawk hi police an ni.

 

Similar Articles

Top