You are here
Home > World News > LONDON SARUAK RESTAURANT BUNYADI CHU FANG CHIAH ILA!

LONDON SARUAK RESTAURANT BUNYADI CHU FANG CHIAH ILA!

LONDON SARUAK RESTAURANT BUNYADI CHU FANG CHIAH ILA!

Hmelhriat ngai lohte nen mombati chhitna dawhkan saruak ngal ngata han kilho chu! kan ti a ni mai thei e.

L

London khawpuia ruak ngalngata chawlhhahdam theihna Bunyadi restaurant designer and manager, Ignacio Jimenez Blanco chuan , khawvel hi kan chei nasa leh lutuk a, kan ti-bawrhbang zo vek zawk niin a lang a, Eden huan rim nam thil han chin chhuah ka duh a, mipat hmechhiatna lam thil a ni law, therapy, tihdamna, zalenna, thawvenna lam thil hi ka tinzawn ber chu a ni zawk, a ti.

L5

Saruak ngal nat kherin lo luh tur tiha pawh a ni hran lo va, an duh chuan an inphelh ruak vek thei kan ti a ni mai a, camera te, cell phone te ken luh kan khap vek a, che mawi lo an awm chuan hnawhchhuah nghal an ni a, kan customer 80% hi chuan saruaka awm an duh zawk a nih hi, a ti.

L6

Bunyadi restaurant siam tura thurawn petu entrepreneur Seb Lyall chuan hei hi  thil dang teh vak a ni lo, “social experiment,” a ni a ti.

L1

Tun hmaa kan hriat ngai loh thil, in leh lo, lirthei man to, laptop, branded thawnhnaw, cell phon man to…. intihchangkan hleihluakna  hian mi bawih nasa tawh lutuk a, changkanna-in a ken tel cell phone te, incheina te hian kan ngaihtuahna a la nasa ta lutuk a, chutiang khawvel atanga inhlihna, intih thawnvenna, body objectification atan he Bunyadi hi buatsaih a nia, Shopping Mall leh Restaurant chang kang an chei ang hi ngai kan ti lo va, mau te thin bul te kan hmang mai a, Eden Huana sual a luh hma boruak ang khan he Bunyadi rawn tlawhtute rilruah hian, rilru leh taksa saruakna hi awm se kan duh ber a ni, a ti.

L8

Lengpui Airport thingpui dawr-ah Sap pa pakhat hi khawhar takin a lo țhu reng a, ka va hnaih a, ka va bia a. Switzerland mi a lo ni a, Mizorama Personality development lecture pe tura lo kal a nih thu a sawi a. Kan titi ta hlut a, Switzerland ram changkanzia leh an per capita income sanzia leh ram intodelh tak an nih avanga ram vannei an nih thu ka tlakpui ta duah a. Chutah le! Ka rin loh deuh mai a rawn sawi ta a.

L7

Pawn lam atanga kan lan dan chu a tha, a mawi a ni mai thei e. Amaherawh chu, mahni intihlum hi an pung tual tual mai a, mite hian khawvel thil leh changkanna ringawt hi an engto va, an khawchhung a ruak a, chu rilru leh thinlung ruak hnawhkhah dan chu an hre tawh si lo va, an intihlum ta mai thin a ni. a ti.

L4

Chuti zawnga han ngaihtuah chuan he saruak restaurant Bunyadi-a waiting list-a mi 46,000 lai an awm hi thil mak teh vak a lo nih loh hi ka ti ta a ni.

L3

Similar Articles

Top