You are here
Home > World News > LED ZEPPELIN THIAM CHANG

LED ZEPPELIN THIAM CHANG

LED ZEPPELIN THIAM CHANG

Led

Rock hla ropui Stairway to Heaven phuah hmasatu inchuh thubuai-ah Led Zeppelin chu Los Angeles jury chuan thiam a chantir.

Led Zappelin hian Stairway to Heaven hi 1967 kuma Spirit hla Taurus atanga lakruk (plagiarise) a ni lo, tih roreltu hian a puang a ni.

He hla ropuia  chord progression hi Led Zeppelin singer Robert Plant hian Spirit guitarist, Randy Wolfe rimawi phuah sa chu a hmang a ni tih thubuai an thehlut a.

Robert Plant ukil chuan he chord progression hi kum 300 lai rimawi khawvela hriat lar tawh a ni a, Randy Wolfe siam hma daih tawh khan hriat hlawh tawh a ni a ti a ni.

Led zep

Robert Plant chuan Randy Wolfe nen hian 1970 kum vel khan Birmingham  nightclub-ah rimawi an tum dun fo va, rimawi chauh lo thil dang pawh an tidun fo niin a sawi a. Kum 40 kal taa an hla phuah dan chipchiar a sawi theih tawh loh thu roreltute hmaah hian a sawi a ni.

A thusawi mak tak pakhat chu a bandmate Jimmy Page leh John Paul Jones sawi dan ang lo takin he hla hi Welsh cottage Bron-Yr-Aur hmuna siam a ni lo va, country estate Headley Grange-a an phuah a nih thu a sawi hi a ni.

Led Zeppelin hian Stairway to Heaven hla atangin kum 45 chhungin sum $562m (£334m) thuartham vel an huilut niin an ring a ni.

Similar Articles

Top