You are here
Home > Zoram > LAWNGTLAI HORTICULTURE EXHIBITION 2017

LAWNGTLAI HORTICULTURE EXHIBITION 2017

LAWNGTLAI HORTICULTURE EXHIBITION 2017

Lawngtlai Horticulture Division leh Lawngtlai Florist Association ţang kawpin hlawhtling taka an  buatsaih Lawngtlai Horticulture Exhibition 2017 chu vawiin hian Lawngtlai Council Veng-a LADC Conference Hall-ah khar a ni dawn ta.

Lawngtlai DC Dr A. Muthamma IAS & DHO L.Lalhmingmawia Pachuau
Lawngtlai DC Dr A. Muthamma IAS & DHO L.Lalhmingmawia Pachuau

April ni 27 nia a hawnnaa khuallian Pu PC Lalthanliana chuan Lawngtlaia la awm ngai lo, a tum khat nana Horticulture Exhibition buatsaih a ni chu lawmawm a tih thu sawiin, hmasawnna tura bul ţanna pawimawh tak a ni, a ti a. Horticulture chu hmasawnna kawnga ke pen tura hmanraw pawimawh ber a nih thu sawiin, tûi ve satliah leh ti mai mai ni lo va, tih tak taka beite tan chuan hlawhtlinpui theih ngei tur a ni a; sawrkar paw’n tanpui ngai ni lo, tanpui tlak tak takte chauh puih a tum a ni, a ti.

Pu PC Lalthanliana
Pu PC Lalthanliana

Khual Zahawm Horticulture Director Dr Elizabeth Saipari pawhin thu sawiin, Exhibition-a pangpar pho chhuahte chu a chi kimin, hmun dang nena khaikhin pawhin a sitawm bik lo a ni, a ti a. Pangpar khawi hi eizawnna tlak a ni a, Lawngtlai District-ah pawh uar chhoh zel ni se a duh thu a sawi bawk.

Khual Zahawm Horticulture Director Dr Elizabeth Saipari
Khual Zahawm Horticulture Director Dr Elizabeth Saipari

He Exhibition hawnna hi Lawngtlai Divisional Horticulture Officer Pu L.Lalhmingmawia Pachuau chuan a kaihruai a. Rev Dr LH Lalpekhlua’n hunserh hmangin, Lawngtlai Florist Association President Pi Zodinpuii Fanchun pawhin thu a sawi a. Zaithiamte an zai bakah, HDO Pu Hunlawmawma’n lawm thu sawiin, hun a khar a ni.

img_7683_1493285698

Lawngtlai Horticulture Exhibition 2017 hi Lawngtlaia tum khat buatsaihna a ni a. Item chi hrang 29 pho chhuah niin, pangpar lam chi a tam ber a; thil entir zawng zawng hi a mal chhiarin 361 a ni. Item tinah hian lawmman pakhatna atanga pathumna thleng siam a nih bakah, consolation prize siam a ni bawk a. Vawiin April ni 29, 2017 (inrinni) chawhnu dar 1 hian khar a ni ang.

LAWNGTLAI HORTICULTURE EXHIBITION 2017 KHAR A NI

Lawngtlai Horticulture Division leh Lawngtlai Florist Association tang kawp buatsaiha LADC Conference Hall-a Lawngtlai Horticulture Exhibition 2017 neih chu vawiin khan khar a ni.

He huna Khuallian, LADC-a Executive Member i/c Horticulture Pu C.Sangchhunga chuan exhibition buatsaihin kawng tam taka rilru thar a puttir thu leh hma lam hun zelah pawh lian leh huam zau zawka buatsaih zel a nih a beisei thu a sawi a. Mi thawkrimte thawh rimna rah lang chhuak chu hlawhtling tura tih tak takna leh taihmakna pawimawhzia te, intodelh nana kut hna thawh uar a pawimawhzia te lantirtu ni se, a duh thu a sawi. Thu a sawi zawh hian Khuallian hian lawmman a sem nghal.

Lawngtlai Divisional Horticulture Officer Pu L.Lalhmingmawia Pachuau pawhin exhibition buatsaih chu ram leh mipuiin hma kan sawnna lantirtu a nih bakah, thil pho chhuahte chu mi dangte fuih thara cho phutu a nih thin thu a sawi a. Exhibition en dik nana tehfung hrang hrangte a sawi fiah bawk.

He exhibition kharna hun hi Horticulture Development Officer Pu Hunlawmawma’n a kaihruai a. Nl Esther Lalduhawmi Hrahsel chuan kal khawmte zaia awiin, Lawngtlai Florist Association Secretary Pi Sharon Khualchhawn chuan lawm thu a sawi.

Lawngtlai Horticulture Exhibition 2017 hi Lawngtlaia tum khat buatsaihna niin, April ni 27, 2017 chawhma dar 11 khan hawn a ni a. Item chi hrang 29 pho chhuah niin, pangpar lam chi a tam ber a; thil entir zawng zawng hi a mal chhiarin 379 a ni. Exhibition neih chhung hian mi 5000-6000 velin he exhibition hi tlawhin, mi 78-in visitor’s note-ah exhibition an hmuh dan leh rawtna te an ziak a. Thil pho chhuah hi Rs 90,000/- hu vel hralh chhuah a ni. Lawmman mal 121 siam niin, lawmman atan hian Rs 71,900/- sen a ni a. Thil pho chhuah hmuhnawm ber “queen of the show” atan Pi Lalchhawnsangi, College Veng chu thlan a ni.

IMG-20170429-WA0007

IMG-20170429-WA0009

IMG-20170429-WA0008

IMG-20170429-WA0004

IMG-20170429-WA0003

IMG-20170429-WA0000

IMG-20170429-WA0001

IMG-20170429-WA0002

IMG-20170429-WA0010

IMG-20170429-WA0006

IMG-20170429-WA0012

IMG-20170429-WA0005

Written & published by Familia Fanai Laltansanga | Lunglei.

Similar Articles

Top