You are here
Home > Sports > LATVIA NULA JELENA OSTAPENKO HI!

LATVIA NULA JELENA OSTAPENKO HI!

LATVIA NULA JELENA OSTAPENKO HI!

Infiamna khawvela a sakhming kan hriat bil loh, kum 20 mi lek lehnghal, Latvia lanu  Jelena Ostapenko chu French Open-ah a rawn champion ringawt a, US dollar mtd 2 aia tam a sum faiin a la hlawh zui!  

Tennis - French Open - Roland Garros, Paris, France - June 10, 2017   Latvia’s Jelena Ostapenko celebrates with the trophy after winning the final against Romania’s Simona Halep   Reuters / Benoit Tessier - RTS16HO2
Tennis – French Open – Roland Garros, Paris, France – June 10, 2017 Latvia’s Jelena Ostapenko celebrates with the trophy after winning the final against Romania’s Simona Halep Reuters / Benoit Tessier – RTS16HO2

A vannei nge a thiam ve hrim hrim tiin a chanchin ka han en lawr den den a, Naupang chu a kalna awm kawngah chuan zirtir ula tih ziak ang thlap khan a naupan tet atangin a chemkalna kawngah a nu leh pate hian an lo kaihruai a lo ni a. Kum 5 mi a nih atangin America ramah Tennis khelh an lo zirtir daih tawh a, Serena William hi a ngaisang tawp a, a idol a ni tawp bawk a. Lam lampang pawh a lo zir a, kum 12 mi a nih atangin Tennis lamah a rilru leh ngaihtuahna zawng zawng a sawr bing ta zawk a ni. Kum 12 mi vel a nih atang tawhin Paris Open Tennis inkhel hi an lo enpui fo tawh a, 2014 Wimbledon Championships-ah khan junior single-ah a lo champion tawh bawk a ni.

jelena-ostapenko-trophy-afp_806x605_71497111409

A kutthlak hi a na zek bawk a, a forehand  speed chawhrual hi 76 mph ( darkar khatah mel 76) a ni chheu mai a, tun French Open-a a champion hma pawh khan Tennis khelh atangin sum mtd $1.25 lai a lo hui lut reuh tawh bawk a ni.

latvia

Latvia ram hi khawvel khawi hmunah nge a awm reng reng chu le, ka lo va hre ngai lo e! ti kan awm takin:-

Jelena_Ostapenko_RG17_cropped

Mizovin Russia kan tih mai, hmanlaia Soviet Unionah khan Latvia ram hi an seng lut thin a, 1991 khan an indang ve ta chauh ang a ni a, Baltic Region an tih Sweden ram bulah a awm a, an ram zau zawng hi  64,589 km2 (24,938 sq mi), Mizoram (21,087 square kilometers) tiat vel lek a ni a, mihring 1,957,200 an awm.

170613114809-jelena-ostapenko-french-open-tease-2-exlarge-169

170613114736-jelena-ostapenko-french-open-tease-large-tease

Similar Articles

Top