You are here
Home > Asia News > LALU YADAV KUM 3 LEH A CHANVE TANG DAWN

LALU YADAV KUM 3 LEH A CHANVE TANG DAWN

Vawiin khan Cheng vaibelchhe tam tak khawihchingpen chungchanga inhnamhnawiha puh RJD hruaitu, Bihar CM hlui Lalu Yadav chu special court chuan kum thum leh a chanve chhung tang tur leh cheng nuai 5 chawi turin a hrem.

A hremna an puan lai hi Lalu Yadav hian a tanna Birsa Munda Jail, Ranchi atangin video conferencing kaltlangin a lo en a, Lalu Yadav chuan a chungthu rel puangtu  Judge hnenah Jail chu a tan a vawt lutuk deuh tih a hrilh a, Judge chuan fiamthu thawhin, “Khuang ( tabla) beng mai rawh” a ti a ni.

Dan leh Hrai hian ban sei tak a nei tih Sap thufing Kings have long arms atanga tunlai mila the long arm of the law an tih tak  ţawngkauchheh ang tak tak hian Lalu Yadav hi dan hian thiam loh a chantir thei tawh dawn lo emaw tih hnu, kum 21 hnuah thiam loh chantir  niin jail bang  zuttir a lo ni  ta a. Senior BJP leader Shahnawaz Hussain chuan Bihar mipuite tan rorelna dik a lo awm ta a ti hial reng a ni.

Kum 1991 atanga kum 1994-a Biha CM a nih lai khan Assembly House-ah Lalu Yadav hian opposition memberte hmaah Fodder scam an puhna chu CBI chauh ni lo vin  pawh CIA  pawh chhuitir mai rawh u tiin an lo au pang pang tawh a ni.

Ani hi pa pui ngang hi a ni a, jail-ah hian a tang rei leh ngut ang emaw chu?

Kum 1990 atang kum 1997 thlenga Bihar CM lo ni tawh Lalu Yadav hi kum 4 kal ta khan Fodder Scam-ah bawk hian thiam loh chantir a lo ni tawhin kum 5 chhung tang tura hrem a ni a, Supreme Court-in bail-a chhuah a phalsak daih mai a ni.

 

Similar Articles

Top