You are here
Home > Zoram > LAI AUTONOMOUS DISTRICT COUNCIL SORKAR A NGHING

LAI AUTONOMOUS DISTRICT COUNCIL SORKAR A NGHING

Kum khat chauhva upa Lai Autonomous District Council Sorkar Pu VL Hmuaka kaihhruai chu tunlai hian a nghing mek a, Chief Executive Member ni lai duh lotu MDC engemawzat chu Aizawl lamah an cham mek.

kum 2015 November thla inthlanah Seat 25 awmna LADC-ah hian Congress chuan seat 16 changin MNF in seat 8 leh Independent in Seat khat a chang a, mipui thlantlin 25 bakah hian Nominated Member 3 an awm mek a, Elected Congress MDC 25 zingah hian MDC 15 chuan tuna Chief Executive Member nilai Pu VL Hmuaka chu paihthlak an duh nia thudawn a ni a, tunah hian boruak a inmun chho mek a ni.

Hetiang a boruak inmun mek karah hian tunkar tir lama Lai District Congress Committee Office hawnna ah CEM nilai Pu VL.Hmuaka chuan LADC boruak sawiin, hruaitu nih duh vang leh hnam ang zawnga inpaihthlak tumna thawm awm chu a dem thu sawiin, Council inrelbawlna chungchangah dan hnuaiah zel thil kalpui a ni a ti a, CEM thutthleng kum khat a luah chhunga tihfel tawk loh leh tih dik loh a neih a rin thu sawiin, committee thu loa thil tih erawh a nei lo niin a sawi. LADC politics boruak inlumlet mek nena ngaihbel theih tur hian kar kalta Zirtawpni, Jan ni 13 khan Chief Minister Pu Lal Thanhawla chuan Vaţhuampui a tlawhnaah Mizorama District Council te chu rorelna ngelnghet tak an neih theih chu Sorkar duhdan anih thu leh thuneihna inthlak sek chu sorkar duh dan a nih loh thu a lo sawi tawh a ni.

Similar Articles

Top