You are here
Home > World News > KIM JONG-UN-A’N LAWMTHU SAWI

KIM JONG-UN-A’N LAWMTHU SAWI

KIM JONG-UN-A’N LAWMTHU SAWI

North Korean lal Kim Jong-un Winter Olympics chhunga North Korea mikhualte țha taka an lo mikhual avangin South Korea sorkar chungah lawmthu a sawi.

_100004863_mm00264477

Winter Olympics chhim tura kal a farnu Kim Yo-jong  leh North Korea sorkar thuneitu lian Kim Yong-nam-te  chu a haw leh tawh a, an thil tawnte a hrilh hnu hian Kim Jong-un chuan South Korea thuneitute hnenah lawmthu hi a sawi ta a ni. Anni pahnih hi kum 1950 hnu lama North Korea sorkar mi lian South Korea rama zin hmasa berte an ni a. Kim Yong-nam hian South Korea  President Moon Jae-in chu ram pahnihte inbiakna nei turin a sawm nghe nghe a ni.

North Korea sorkar thuneitu lian Kim Yong-nam
North Korea sorkar thuneitu lian Kim Yong-nam

North Korea hian he Winter Olympics hi an propaganda thehdarh nan an hmang țangkai thiam hle a, Secretary of State Rex Tillerson chuan he Winter Olympic hi North Korea hian an propaganda thehdarhna an hijack kan remti tur a ni lo a ti naa,  North Korea chanchinhian khawvel media chu a luahhneh hle si a ni.

US Secretary of State Rex Tillerson chuan North Korea lakahhian pressure chu kan la siam reng ang a, sanction pawh a ngaiin a la kal reng ang a, inbiakna awmze nei neih an duh tak tak a nih chuan North, an tihloh tur an tih loh tak tak ngam a ngai a, innbiakna neih leh neih lohchu N. Korea kovah a innghat a ni, a ti.

Winter Olympics hawnnaah khan  North Korean lal Kim Jong-un farnu Kim Yo-jong  leh US Secretary of State Rex Tillerson te hi inkar hlat deuhvin an țhu a, Rex Tillerson hian Kim Yo-jong  lam hi a thlek chhin eih loh reng reng mai a ni.

Similar Articles

Top