You are here
Home > Zoram > KHAWBUNG NAUPANGTE THIL TIH DAN ENTAWNTLAK

KHAWBUNG NAUPANGTE THIL TIH DAN ENTAWNTLAK

KHAWBUNG NAUPANGTE THIL TIH DAN ENTAWNTLAK

Khawbung khuaa naupang kum 5 leh kum 15 inkar te chuan Inrinni tin tual an phiat fai thin a, hei hi khawtlangin kum 53 chhung zet nunphunga an lo neih tawh a ni.

14202916_1226351594084133_1112644545_o

 Khawbungah hian kum 1964 vel atang khan Mizo Children Association (Mizo Naupang Pawl) din a ni tawh a. Khawlai phiat faiin nundan mawi leh tha an inzirtir a. Naupangin a naupan laia a thil zirte chu nghet takin a nunah a seng lût a ni tih hriain hma an la thin a ni. Hetih hun lai hian ram hnuaia thinghreu buk tha – Thingthiang leh Chawmzil hreu te chu tualphiahna atân an la thin a. Zawlbuk inzirtirna chu awm tawh lo mah se, Zawlbuk tlangvalte’n naupang an zirtirna thin – huaisen tur te, rinawm tur te, aia upa zah tur leh tlawmngai turte’n an inzirtir chhunzawm zel a. Kum 1970-ah Mizo Children Association tih chu Khawbung Children Association tiin thlâk a ni a.

PHED SDO Er. C.Lalchawimawian naupang tual phiah na tur a pe lai..
PHED SDO Er. C.Lalchawimawian naupang tual phiah na tur a pe lai..

Khawbung Children Association tih chu YMA Chhang tiin kum 1977 khan thlâk leh a ni. YMA Chhangte hian tun thlengin Inrinni tin tual an phiat thin a ni.

 

Similar Articles

Top