You are here
Home > Zoram > KAWNG CHHIAT CHHAN – MNF SORKAR VANG – LAL THANHAWLA

KAWNG CHHIAT CHHAN – MNF SORKAR VANG – LAL THANHAWLA

Congress party president Lal Thanhawla, chief minister chuan, Mizorama kawng chhiat chhan bul ber chu MNF sorkarin tualchhung contractor-te hnen aanga contract hna aanga 3% an lak hin vang niin a sawi.

Nimina Congress Bhavan-a inkhawmah Lal Thanhawla chuan, “MNF sorkarin tualchhung contractor-te hnena contract hna aanga 3% an lak hin chu a hlâwk em avangin, cheng vbc. sang tam tak awmna National Highway-te chu an kutah awm atan an ît a, Defence ministry-ah PWD kuta awm turin an dil a, kan hriat ve meuh chuan thil an lo ti fel vek tawh a, chu chu kawng chhiatna bul a ni,” a ti.

Lal Thanhawla chuan, kuminah ruah a sûr nasa tih sawiin, “Ruah a sûr nasat avangin lo hâl hun pawh kan bituk thei lo a ni. Kumin chhung ringawtin kawng chhia, leimin vanga lirthei kal theih loh thenfai ngai 984, kalkawng bal 81, retaining wall chim 94 leh culvert chhia 83 kan chhiar theih chinah ringawt a awm,” a ti a; chu’ng kawng chhiahte siam ha tur chuan cheng vbc. 30 vel an mamawh thu a sawi.

MNF party-in September 14-a total bandh an huaihawt chungchangah MPCC President chuan, bandh hrim hrim chu a hlawtling lo thei lo niin a sawi a, “Bandh hrim hrim hi sorkar hnathawk zawng zawng leh dawrkaite’n an inkhâr vek dawn chuan an hreh loh avangin, tu pawhin siam se a hlawtling duh hle hin,” a ti.

Congress party thuchhuah chuan, nimina Congress Bhavan-a political session-ah hian an party zawm thar mi 32 an lawm lut niin an tarlang.

An lawmluh zinga Sangzela Tlau chuan thusawiin, “Tlawr taka thusawi țhin leh hmui mistiri ringawt hi țhalaiten an zawng tawh lova, an nuihzat zawk a ni.Mi tamtakin NLUP hi hlawhchham angin sawi mahsela, thingtlangpa thinlungah hi chuan a hlawhtling tih hi ka hmu a ni. NLUP-ah hian Congress mite chauh an lawm lova, thingtlang mipuite an lawm a ni.Theihtawp chhuaha ram rawngbawl turin vawiin atang hian Congress party ah kan rawn tel ve a ni, a ti.

 

Similar Articles

Top