You are here
Home > World News > KABULTHIHCHILH BOMB PUAKAH MI 6 THI

KABULTHIHCHILH BOMB PUAKAH MI 6 THI

Afghanistan ram khawpui Kabul-a Afghanistan intelligence agency compound bula thihchilh bomb puakah mi 6 an thi a, mi dang 3-in hliam an tuar.

Sunni Muslim militant group, Islamic State chuan he inbeihna hi an tihah an chhal a ni.

Afhanistan ramah hian Taliban leh Sunni Muslim militant group Islamic State firfiak pawl hian kua a hreuh leh nasa a, thingtlang hmun tam tak phei chu a la leh tawh a, America sorkar pawh hian a sipaite lalet a hnekin an la dah belh ta zel a ni.

October thla khan Shia Muslim minority mosque beihnaah mi 39 an lo thi tawh a, May thla khan ram Kabul khawpuia ram dang palaite chenna Green Zone beihnaah mi 150 aia tam an lo thi tawh bawk a, America sipaite Afghanistan an luhchilh hnu lama Taliban te chet rawva ber leh  rapthlak ber a ni.

Afghanistan hnam hi hnam kawlhsen tak an ni a, tun hma atangin ram dang mite hian an ram hi an hneh thei mang mang lo a ni.

 

Similar Articles

Top