You are here
Home > Zoram > KA TIH RENG KHA! MIZORAM QUOTA MBBS SEAT 17 CHIAH!

KA TIH RENG KHA! MIZORAM QUOTA MBBS SEAT 17 CHIAH!

Hetah kan huk dum dum a, thu awmze nei lo kan chhuakchhuak zut zut a, a sawhkhawk chu  na tak a ni a, India ram Medical college ţha tha-ah Mizo zirlaite tan seat a awm ta lo pang mai a ni. Vanglaini-ah chiang takin a rawn ziak a. Seat 8 a tlem  chhan erawh a ziak lang lo. Constitution of India dan hnuaiah zel hian thil tih kan zir a ngai a ni. Lady Hardinge MC New Delhi-ah seat 1 chiah kan nei a, Maulana Azad Medical College (MAMC)- ah phei chuan seat kan nei ta lo a nih hi.

 Mizoram MBBS seat tlem chhan hi Chhura umpui mu hriat angin a rin hriat theih ruau ruau a ni.

 MBBS-A MIZORAM QUOTA SEAT 17 KUM HMASA AIIN SEAT 8-IN A TLAHNIAM

Sorkar laipuia Health & Family Welfare ministry chuan, Central pool-a medical seat a pek zat tur August 18, 2017 khan a tichhuak a, MBBS-a Mizoram quota atan seat 17 dah a ni. Central pool-a Mizoram seat chan zat hi nikum aiin pariatin a tlem zawk.

Bachelor of Medicine, Bachelor of Surgery (MBBS)-ah hian Mizoram chuan Central pool-ah seat 17 a neih dawn bakah hian, North Eastern Council (NEC) hnuaiah seat 11 a nei a, kum 2017-18 atana seat a neih zawng zawng chu seat 28 a ni. Central pool-ah hian Bachelor of Dental Surgery (BDS)-ah seat pathum a nei dawn bawk.

Thu dawn danin, Mizoramin kum 2016-17 khan MBBS-ah seat 25 a nei a, nikum aia kumina seat a neih tlemna chu seat pariat a ni. Kum hmasa lama seat a channa hin medical college ha henkhat, kumina a chan tak loh a awm nual. BDS pawh kum hmasa lamah chuan Central-in seat panga a rawn pe hin a, kuminah chuan pathum chiah a pek avangin seat pahnihin a tlahniam.

Hetih lai hian  Meghalaya-te’n Central pool-a MBBS an chan zat chu a pung thung. Meghalaya hian kumina MBBS-ah seat seat 42 leh BDS-ah seat pathum a chang.

 Hmar chhak state dang Nagaland-in MBBS seat 30 leh BDS seat 3, Arunachal Pradesh-in MBBS seat 24 leh BDS 3, Manipur-in MBBS seat 5, Sikkim-in MBBS leh BDS seat 3 ve ve, Tripura-in BDS seat 3 an chang a ni.

Central pool aanga medical seat allotment tihchhuah a nih tak avang hian, Higher & Technical Education (HTE) department-a Technical Wing chuan counselling an nei thuai dawn.

HTE department hotute hnen aanga thu dawn danin, counselling neih hmain inhriattirna hun ni khat tal a ngai a, tun kar chhung chuan counselling neih hman beisei a ni.

NEC hnuaia Mizoramin medical quota a neihah erawh chuan July 27, 2017 khan counselling neih a ni tawh a, zirlai lut turte pawhin admission an ti tawh. NEC hnuaia Mizoramin seat a neih dan chu – RIMS, Imphal-ah zirlai pasarih, NEIHGRIMS, Shillong-ah zirlai pathum, Dibrugarh-ah zirlai pakhat a ni. 

Mizoram medical seat 2017-18

MBBS

#Medical College Khua State Seat

  1. Lady Hardinge MC New Delhi Delhi 1
  2. Guwahati MC Guwahati Assam 1
  3. Assam MC Dibrugarh Assam 1
  4. Patna MC PatnaBihar 1
  5. Darbhanga MC LehariasariaBihar1
  6. Govt. Medical College Hospital ChandigarhChandigarh1
  7. JLN Medical College BhagalpurBihar1
  8. Nalanda MC PatnaBihar2
  9. Pt. JLNM Medical College RaipurChhatisgarh1
  10. Govt. Medical College AurangabadMaharashtra1
  11. SP Medical College BikanerRajasthan1
  12. KG Medical College LucknowUttar Pradesh1
  13. SN Medical College AgraUttar Pradesh1
  14. LLM Medical College MeerutUttar Pradesh1
  15. Burdwan Medical CollegeBurdwanWest Bengal1
  16. BS Medical CollegeBankuraWest Bengal1

Total17

BDS

#Medical College Khua State Seat

1.KG dental College Lucknow Uttar Pradesh 1

2.Dr Harvansh Singh Judge Institute ChandigarhChandigarh 2

of Dental Science & Hospital

Total 3

 

Similar Articles

Top