You are here
Home > Asia News > JAITLEY-A’N SINHA, PUTAR HNAZAWNG TIIN A KAP LET

JAITLEY-A’N SINHA, PUTAR HNAZAWNG TIIN A KAP LET

JAITLEY-A’N SINHA, PUTAR HNAZAWNG TIIN A KAP LET

BJP pachal leh Finance Minister hlui Yashwant Sinha-a’n tuna Finance Minister Arun Jaitley leh PM Modi te a mupuia a kahna chu chhangletin Arun Jaitley chuan Sinha chu putar kum 80 mi hna zawng lai a ni, tiin a khak.

TH29JAITLEY

‘Ka hmaa India Finance Minister pahnih Pranab Mukherjee leh  Prime Minister  hlui Manmohan Singh te ni lo, Finance Minister 2 chuan inthurualin ka hming hmerhin ar chuk tui lovin min sawisel chiam a, India ram economy hniam zelna chhan leh GDP growth rate hniam chhan sawi si lo va, ka hming an sawi chhe chiam kha an  rilru tetzia alangin a buk ţhelhin an ţhelh duai a ni, a ti.

yashwant-sinha_650x400_71466943039

Kum 3 chhunga PM Modi sorkarin thingtlang mirethei zawkte chawikan a tumna avanga sum a bawhawka kan hman thu hi mit nei chuan an hmu a, beng nei chuan an hre vek a ni lawm ni! Kum 2019-ah India ram thingtlang khaw tin kawngpui chhuntlangtir kan tum a, kum 2018-ah in tin êng pek kan tum bawk a. Chu chu India ram Independence hnu kum 70-a India ram kan hmuh tum dan leh  kan hmathlir chu a ni a, sum kan hmuh ang ang hi he lama kan hman a ngai rih a ni. Ka hmaa Finance Minsiter te ang khan nawmsakna hi ka la temchhin eih lo reng reng a, bawp khawkherhin ka la ţhu veng veng hman lo a ni.

manmohan-singh-story_647_092617040456

 He sorkar chak tak, huai taka thil tithin hian tuna private investment tlahniam mek pawh hi kan tipung thur thur leh mai dawn a ni.

Kum 1999-a Parliament-a Bofor buaina chungchanga L.K. Advani thusawi kha hre reng ula, ka duh khawp mai.

“Parliament-ah a ni emaw, pawn lamah a ni emaw, ram hruaitute’n thu kan sawi chuan, inhnialna thubuai (issue) chungchang chiah chiah kha a ruh lang rawta sawi mai tur a ni a, mi hming hmerha an chanchin sawi loh tur a ni” a tih kha. Kei pawh hian kha thurawn kha ka lo zawm famkim bik lo palh a ni mai thei a ni, a ti.

Manmohan Singh and Narendra Modi

Hetianga India ram hruaitute economy leh growth rate tlakhniam chungchanga an inchaltauh mek lai hian Mizoram Finance Minister Pu Lalsawta chuan, ‘June ni 20, 2015 aţang khan vawiin thlengin Mizoram sorkarin RBI atangin daily transaction-ah pawisa vawi khat mah a la puk leh lo a ni,” tiin Mizoram University Freshers’ Social 2017, MZU Auditoriuma khuallian nia a hmanpuinaah a sawi a ni.

Similar Articles

Top