You are here
Home > CCT Robawm > ISUA THLAN KUM 1700 VELA UPA – NATGEO

ISUA THLAN KUM 1700 VELA UPA – NATGEO

ISUA THLAN KUM 1700 VELA UPA – NATGEO

Isua ruang an zalhna nia ngaih Jerusalem khawpui chhunga the Church of the Holy Sepulchre chhunga thlan khuhna lung pahnih, limestone leh marble lung an charna mortar upat dan an zirchianna-ah kum 1700 vela upa niin an hriat thu zirchianga research beitu National Technical University of Athens chuan an puang.

jesus_tomb_date_5.ngsversion.1511872227156.adapt.676.1

National Geographic magazine-in a ziak dan chuan he thlan hi kum 345 CE, Christ Era@ AD vela siam a ni tih an hmuchhuak a, a tir chuan kum 1000 aia upa a nih an ring lo a ni.

jesus_tomb_date_6.adapt.590.1

He zirchiannaah hian he Isua, Juda-te’n Nazareth khuaa mi Isua an sawi  an phumna nia an sawiah hian Isua chu an lo phum tak tak em tih chu an zir tel lo.

He an thil  hmuhchhuah leh Isua thlan nia ngaih an cheiţhat hun hi a inmil ta chiah a, he hmun hi Rom-hovin Isua thih hnu kum 300 vela an siamţhat kha a ni.

Isua kha kum 30 emaw 33 CE-ah emaw a thi a, an khenbehna bulah huan pakhat a awm a; huanah chuan tumah la zalhna ngai loh thlan thar pakhat a awm. Tin, Judate Inrinni a nih avangin, thlan chu an kiang lawk a ni si a, chutah chuan Isua chu an zalh ta a.

jesus_tomb_date_3.ngsversion.1511872225155.adapt.676.1

Rom lal zinga Kristian ni hmasa ber Constantine lal lai khan a mi tirhte chuan kum 325-ah Jerusalem an theng a, Isua an phumna thlan hi an zawng a, Isua phumna nia an sawi thlan chhungah chuan Roman temple kum 200 kal ta vel khan an sakhnan tih an lo hrilh a. Roman temple chu ţhiatdarh vekin a hnuaiah chuan chinai lung, limestone kherkuak thlan an hmu ta a, a thlan khuhna lungphek chu an chhun keh a. A thlan an chei dan hi kum zabi 1-naa Jerusalema mi khawsa thei te thlan an chei dan ang niin a thlan khuhna lung phek keh chungah chuan marble phek thuah leh a ni ta a. He thlan hi an hung a, kum 326 CE khan mi thianghlim thlan (shrine)-a siam a ni ta a. Kum zabi 18-naa an cheiţhat leh hnuin he lai hmun hi  Elucid an ti ta a ni.

church-of-the-holy-sepulchre

He thlan lung an charna mortar themte hi a hran ve ve-in laboratoby pahnihah optically stimulated luminescence (OSL) thiamna hmangin an upat dan an endik a, an hmuhchhuah hi a inang chiah chiah a, kum 335 CE leh kum 1570 CE-a mi a ni a, Rom lalber Constantine Ropuia’n a siamţhat tir hun leh kum zabi 16-naa an cheiţhat lai hun nen a inmil chiah a ni.

jesus_tomb_date_2.ngsversion.1511872228208.adapt.676.1

Kum 2016 October ni 26 khan Isua thlan nia an sawi a khuhna hlui zawk Kros lem ker awmna keh tawh leh a thuah lehna marble lungphekte hi an haihawng a, a charna mortar chun kum khat an zir chian hnu-ah a tlan charna mortar upat zawng an puang ta a, history-a an lo ziak Rom lalber-in Isua thlan a chei hun leh kum zabi 16-na an cheiţhat lehna hun nen a lo inmil thlap a ni.

jesus_tomb_date_1.ngsversion.1511872228958.adapt.676.1

He thlan hian kangmei te, lirnghing te leh hmelmate beihna te a tuar zing malh malh hle a, kum 1009 khan tihchhiat hlauh a ni a, kum 1048 khan din thar leh a ni.

Sapţawng aţanga han lehlin ngawt hian Mizo rilru mitah a fiah thin lo va, Mizo kristiante hriatfiah theih zawngin Kalvari tlang hawi zawngin sawi dawn ta ila.

Tuna kan thil sawi mek hi Kalvari tlang veka awm a ni a, Mizo ngaihtuah danah chuan Kalvari tlang hi Mizorama tlang anga sang turah an lo ngaihruat pawh a ni mai thei a. Mizorama tlang ang hi a ni lo va, mual a ni mai zawk a.

Luka chuan;- Tin, Lu Ruh an tih hmun chu an thlenin, chutah chuan kraws-ah an khengbet a, mi sualte nen, a ding lamah pakhat, a vei lamah pakhat. Luka 23:33 (And when they were come to the place which is called Calvary, they crucified him there; and the robbers, one on the right hand, and the other on the left.) tiin a ziak a.

Tin, ngai teh, mi pakhat a hming Josefa, roreltu, mi tha tak, fel tak a awm, (an rorel leh an thiltih pawh kha a remti lo reng a ni) Judate khua Arimathaia mi a ni a, Pathian ram a beisei thin a. Chu mi chu Pilata hnenah a kal a, Isua ruang a dil a. Tin, a la thla a, puan zai sinin a tuam a, thlan, lung kerkuak, tumah la zalh ngai lohnaah a zalh a. Tin, chu mi ni chu Inrinni a ni a, Chawlhni a lo ni lek lek tawh si a. Tin, hmeichhia Galili ram atanga a hnena lo kalte khan an zui zel a, thlan leh a ruang zalhzia chu an hmu a. Tin, an haw leh a, englo rimtuite leh hriak rimtuite an siam a, tiin Isua an phum thu a lo ziak a.

Johana hian a ziak chiang lehzual a:-

Tin, chung thil tih hnuah chuan Josefa, Arimathai khua mi, Isua zirtir a ni a, nimahsela Judate a hlauh avnga aruka awm a ni a, ani chuan Isua ruang chu kalpui atan Pilata hnenah a dil a; tin, Pilatan a phal a. Chutichuan a lo kal a, a ruang chu a kalpui ta a. Tin, Nikodema, atira zana a hnena lo kal kha, murra leh aloe inpawlh sa buk sawmnga lai sinin a lo kal ve a. Tin, Isua ruang chu an la a, Judate inphum dan angin englo rimtuite nen chuan puan zai sinin an tuam a.Tin, kraws-a an khenbehna hmunah chuan huan pakhat a awm a; huanah chuan tumah la zalhna ngai loh thlan thar pakhat a awm. Tin, Judate Inrinni a nih avangin, thlan chu an kiang lawk a ni si a, chutah chuan Isua chu an zalh ta a.

 548px-Golgotha_cross-section.svg

Tichuan Kristiante tana hmun pawimawh leh  hmun thianghlim tak pahnih, Isua an phuma a thawhlehna hmun, a  thlan leh an khenbehna Kalvari tlang, Lu Ruh tlang an tih bawk te chu The Church of the Holy Sepulchre biak in lian tak chhungah hian awmin a chhungkhung ta vek mai a ni.

 800px-5267-20080122-jerusalem-tomb-of-jesus

Mizorama Harhna tum 3-na vanglai khan Lungrang inkhawmpui-ah khan Pastor Liangkhaian chawlhni chawhnu inkhawmah Kraws thu a sawi a,banna hla-ah , ‘Thu mak ka sawi nin theih loh chu Kalvari chanchin a ni’ tih hla kha an sa a,Pu Buanga rilru a khawih hle mai a,hla chang sawiin vawi 9 a nawn a,a mittui tla zawih zawih chungin, Kalvary-a a ke ngei a a lo kal tawh thu leh Lungrang tlang atanga kraws a hmuh chian anga chiang hian Lal Isua tuarna Kraws hi a la hmuhfiah ngai loh thu a sawi hial a. Lungrang tlang atanga  Pu Buanga Kraws a hmuh fiah ang hian keini hian thlaru mitin Isua thlan leh a tuarna Kraws hi  kan hmu fiah ve thei em le?

bible_archaeology_grid_refer_mobile.adapt.590.1

 

Courtesy: https://www.nationalgeographic.com/magazine/2017/12/jesus-tomb-archaeology/

Similar Articles

Top