You are here
Home > World News > ISUA LEM $450m (£341m) IN HRALH – BBC

ISUA LEM $450m (£341m) IN HRALH – BBC

ISUA LEM $450m (£341m) IN HRALH – BBC

Lemziakthiam leh scientist hmingthang Leonardo da Vinci (1452 -1519) lemziak pakhat nia an chhal, kum 500-a upa painting  chu New York khawpui Christie’s auction room-a an lilamnaah $450m (£341m)-a hralh a ni a, khawvela lemziak hralh manto ber a lo ni ta. He painting hming hi Latin ṭawnga Khawvel chhandantu tihna Salvator Mundi (Saviour of the World) a ni. Isua-a’n a kut ding lamin van lam  kawk chunga mal a sawm lai  leh a kut   vei lama darthalang mum a keng lai  lem a ni.

z_p54-Rediscovered

Kum 1505- a boral Leonardo da Vinci khan kutchhuak lemziak 20 vel chauh a hnutchhiah naa, a lemziakte reng reng hi a hlu em em vek hlawm a ni.

SalvatorMundi

He lemziak hi kum 1958 khan Londona lilamnaah $60-a lei a ni a, Leonardo zirtirte zinga tu emaw kutchhuak a nih an ring thin a, khawvel pum huapa lemziak lilamtu lian Christie’s chuan he lemziak hlui hi Leonardo da Vinci kutchhuak ngei a ni tih finfiah a ni a, kum zabi 20 naa thil hlui leh rohlu hmuhchhuah ropui ber a ni, tiin ṭan an khawh ve thung a. BBC arts correspondent Vincent Dowd chuan Christie’s thusawi hi khawvela lemziak hlui zirmite chuan an pawm vek lem lo a ni, a ti.

_98772674_043025885

Lemziak man to ber lo ni ṭhin chu Pablo Picasso ziak Women of Algiers kha a ni a, $160m-in an hralh a ni.

300px-WomenofAlgiers the-women-of-algiers

Isua lem  leh a hmelhmang dik tak hi tumahin an hrechiang lo va, tute emaw ngaihruatnaa an ziak hi Isua lem tak tak emaw tih loh tur a ni.  Archimedes thlalak tak tak pawh a awm lo va, a lem an ziak hi lemziak thiamte ngaihruatna mai mai a ni. Chuvangin Isua lemah hian lo luanliamvak vak  loh tur a ni. Isua lem lak-thutak vak  hi Israel fate’n Pathian aia Dar rul lim an ngaina ta zawk ang khan milem biakna ( Idol worship) a ni thei bawk a ni.

_98769196_296_salvator_mundi

Lemziak hi man to tak takin an hralhin an lei thin tih kan hria a, hei hi investment chi khat a ni.

Pawisa fai-a kan khawl leh bank-a pawisa  kan dahte hi a hlutna a ni telin a tla hniam zel a. India rama  pum huap Ocotber thla chhunga inflation chu 3.58% -in a sang tih sorkar laipuiin Thawhṭanni khan a puang a, thla 6 chhunga inflation san ber ṭum niin a sawi  a.

Chumi awmzia chu October thla khanthil man a to chak ber a, pawisa hlutna a tlahniam tihna a ni a, kum khat-ah hian a lo ber-ah pawisa hlutna hi 8% emaw tal chuan a tla hniam ziah a ni. Chuvangin pawisa nei tamte chuan lemziak hi sum khawl nan an hmang a, lemziak hlutna hi chu a tla hniam thei tawh lo ang tluk a ni a, risk puitling an la a, tangka fai khawl ṭeuh ṭeuh ai khan lukhawng a nei zawk a ni.

 

Similar Articles

Top