You are here
Home > World News > ISRAEL IN UNESCO CHHUAHSAN A TUM THU PUANG

ISRAEL IN UNESCO CHHUAHSAN A TUM THU PUANG

ISRAEL IN UNESCO CHHUAHSAN A TUM THU PUANG

America ramin UN cultural organization UNESCO chhuahsan a tum thu a puan hnu lawkah Isreal chuan chhuahsan a tum thu a puang ve leh ta.

Israeli Prime Minister Benjamin Netanyahu chuan US thutlukna chu fakin  US thil tih dan chu a huaisenin a dik bawk a ni,a ti.

UNESCO hotu Irina Bokova chuan US in an pawl chhuahsan a tum chu pawi a tih tak zet thu a sawi a, tun hnai atang khan UNESCO kalphung hi a dik tawh lo va, politics tui nu-in a chiah hneh tawh a ni tih a sawi lang tel bawk a, US in a chhuahsan dawn tak avangin UN chhungkua chu an tlem tial tial dawn a, thilttihtheihna leh thuneihna pawh a nei tlem sawt hle dawn a ni, a ti.

 _91972592_b839d734-0cbe-441a-99ae-c3aad6f1ec18

UNESCO chuan Nikum khan Jerusalema hmun thianghlimte chu Judate nen inlaichinna leh inkungkaihna nei lo angin thuchhuah a lo siam avangin Isreal hian UNESCO nen an thawhhona a lo titawp tawh a, kumin July ni 7 khan Jerusalem atang chhim lam km 30 leka hlaa awm Hebron khawhlui, Bible-a hming chuang Abner ben Ner te, Otniel ben Kenaz te Ruthi te leh  and Jessaia te an phumna hmun chu Palestinian World Heritage Site-ah a puankhum leh ta bawk a, Israel hi a thinrim em em ringawt mai a ni.

 fatah-hamas

Hetih lai hian Palestinian political party 2, Hamas leh Fatah, kum 2007 atanga ui leh kel thlun pawlh aia inhal em em te chu Cairo khawpuiah inremna an siam leh thei ta a, Gaza-ah hian Hamas in sorkarna an la a, West Bankah hian Fatah in sorkarna an la thung a, hetianga inremna an siam takah chuan thuneihna an insemzai dawn ta a ni.

Hamas hi Israel ram la pawmpui duh lo pawl, Israel ram hi tiboral hlauh duh pawl kha an ni a, Israel hian a chhu chau ta deuh bawk a, a zal ve deuh ta a nih hmel hle a ni.

 

Similar Articles

Top