You are here
Home > Asia News > INLAICHINNA HRISEL LEH NGHET NEIH A PAWIMAWH – President XI

INLAICHINNA HRISEL LEH NGHET NEIH A PAWIMAWH – President XI

INLAICHINNA HRISEL LEH NGHET NEIH A PAWIMAWH – President XI

Chinese President Xi Jinping chuan India leh China hian inlaichinna hrisel leh nghet kan neih a pawimawh a ni tih Prime Minister Narendra Modi a hrilh a, chutiang inlaichinna hrisel leh tlo nei tur chuan China chuan Panchsheel Treaty-a inkaihhruaina dan 5  ziak ang  khan  a kalpui dawn a ni, a ti.

modi-xi-jinping-bilateral-china-twitter_650x400_61504589157

Panchsheel Treaty hi Chinese Premier Chou En-Lai leh India Prime Minister  Jawaharlal Nehru te’n 1954 kuma Peking khawpuia an ziak a ni a, principle 5 an ziakte chu;

  1. Mutual respect for each other’s territorial integrity and sovereignty.
  2. Mutual non-aggression.
  3. Mutual non-interference in each other’s internal affairs.
  4. Equality and cooperation for mutual benefit.
  5. Peaceful co-existence.

nehru-with-chinese-premier_022211083016

China ram Xiamen khuaa BRICS Summit neih mekah vawiin khan Chinese President Xi Jinping leh Prime Minister Narendra Modi te an inbia a, Chinese President Xi Jinping hi Chief Spokesperson Lu Kang, Foreign Minister Wang Yi leh  State Councilor Yang Jiechi-te’n an ţawiawm a ni. Prime Minister Narendra Modi chuan BRICS summit hlawhtling tak an huaihawt thei chu fakin lawmawm a tih thu a sawi a, Chinese President chuan India leh China chu ram inţhenawm, khawvel ram ropui pahnih an ni a, inlaichinna ţha leh nghet ngei turin kawng dik kan zawh a pawimawh a ni, a ti.  

Chinese President Xi Jinping and Indian Prime Minister Narendra Modi attend the plenary session during the BRICS Business Forum the BRICS Summit in Xiamen, Fujian province on September 4, 2017. REUTERS/Fred Dufour/Pool - RC1834C70220
Chinese President Xi Jinping and Indian Prime Minister Narendra Modi attend the plenary session during the BRICS Business Forum the BRICS Summit in Xiamen, Fujian province on September 4, 2017. REUTERS/Fred Dufour/Pool – RC1834C70220

 BRICS Summit  zawh hnu hian PM Modi hian  Burma ram a tlawh dawn a, Yangonah Aung San Suu Kyi a hmu ang a, hmasang pagoda hlui tam em emna Bagan a tlawh dawn bawk a ni.

Similar Articles

Top